ءۇش جاسار ءبۇلدىرشىن جۇكتى اناسىن قۇتقاردى

استانا. قازاقپارات - انگليانىڭ بريستول قالاسىندا ءۇش جاسار قىز جۇكتى اناسى مەن باۋىرىن قۇتقارىپ قالدى، - دەپ حابارلايدى «24.kz» تەلەارناسى.

شەشەسى ابايسىزدا باسقىشتان ەدەنگە وڭباي قۇلاپ، ەسىنەن تانىپ قالعاندا ءبۇلدىرشىن توتەنشە جاعدايلار قىزمەتىنىڭ 999 تەلەفون ءنومىرىن تەرىپ، "انام باسپالداقتان قۇلادى، ىشىندە دجوردج بار" دەپ حابارلاعان. وسى وقيعادان كەيىن ەممانىڭ اناسى ءسابيىن 7 ايلىعىندا تۋىپتى. دارىگەرلەر قازىر اقىلدى قىزدىڭ ارقاسىندا ەكەۋىنىڭ دە جاعدايى ءبىرقالىپتى ەكەنىن ايتىپ، ءسۇيسىنىپ وتىر.

توتەنشە جاعدايلار قىزمەتىنىڭ وپەراتورلارى ءبۇلدىرشىننىڭ اقىلدىلىعىن ايتىپ، تاڭعالعانىن جاسىرمادى. "جاسىنا قاراماستان، سالماقتى سويلەدى. ۇلكەن بالالاردىڭ ءوزى مۇنداي جاعدايدا قوبالجىپ تۇرادى. بالاقايدىڭ جاسى بار بولعانى 3 تە بولسا دا، اقىلدى قادامعا بارعانى قىزىق"، - دەيدى ولار.