قازاقستان مەن قىتاي مۇنايشىلارى جالاقىسىندا سايكەسسىزدىك ورىن الىپ وتىرعان جوق - قىزىلوردا وبلىسىنىڭ اكىمى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە قىزىلوردا وبلىسىنىڭ اكىمى قىرىمبەك كوشەربايەۆ ءمالىم ەتتى.
«قازاقستاندىق جانە قىتايلىق مۇنايشىلار اراسىندا جالاقىعا بايلانىستى سايكەسسىزدىك ورىن الىپ وتىرعان جوق. پروبلەما بولعان، ءبىراق ءبىز وبلىستىق پروكۋراتۋرامەن بىرلەسىپ تەكسەرىپ، بارلىق سايكەسسىزدىكتەردى جويدىق»، - دەدى ءوڭىر باسشىسى ب ا ق وكىلدەرىنىڭ ساۋالىنا وراي.
سونىمەن قاتار وبلىس اكىمى جالاقى تولەمەۋ ماسەلەسى دە توقتالىپ ءوتتى. ونىڭ ايتۋىنشا، «ميگ-21» ج ش س بانكروتتىق پروتسەدۋراسىنان وتۋىنە بايلانىستى جۇمىسشىلارى الدىندا 4,6 ميلليون تەڭگە قارىز بولىپ وتىر.
«ءبىز بۇعان دەيىن دە بىرنەشە مارتە جۇمىس بەرۋشىلەرگە: «ءتىپتى كوستيۋمىڭدى ساتساڭ دا جالاقىلارىن قايتارىڭدار. ويتكەنى، بۇل - ولاردىڭ ەڭبەكپەن تاپقان اقشاسى» دەپ ايتقان بولاتىنبىز»، - دەدى ق. كوشەربايەۆ.
اۆتور: مارلان جيەمباي
