رەسەي: ۇشاقتى جارعان توپتى انىقتادىق

استانا. قازاقپارات - رەسەي فەدەرالدىق قاۋىپسىزدىك قىزمەتىنىڭ باسشىسى الەكساندر بورتنيكوۆ رەسەي ەگيپەتتىڭ سيناي تۇبەگىندە جولاۋشىلار ۇشاعىن جارىپ جىبەرگەن توپتى «انىقتاعانىن» مالىمدەدى.

ءبىراق ول جارىلىسقا ناقتى قاي توپتىڭ قاتىسى بارىن اشىپ ايتپادى.

بورتنيكوۆتىڭ سوزىنشە، فەدەرالدىق قاۋىپسىزدىك قىزمەتى 31 - قازاندا ۇشاققا جاسالعان تەراكتىنى تەكسەرىپ جاتىر. «ءبىز شابۋىلعا كىم جاۋاپتى ەكەنىن شامالاپ وتىرمىز. مۇنى ناقتىلاۋ ءۇشىن الدا ءالى ءبىراز جۇمىس ىستەۋ كەرەك» دەدى بورتنيكوۆ.

«كوگالىماۆيا» كومپانياسىنا تيەسىلى Airbus-320 جولاۋشىلار ۇشاعى 31 - قازاندا ەگيپەتتىڭ شارم- ەش- شەيح قالاسىنان سانكت- پەتەربۋرگكە ۇشىپ شىققان سوڭ ۇزاماي اپاتقا ۇشىراعان. اپاتتان ۇشاق بورتىندا 224 ادامنىڭ بارلىعى قازا تاپقان. ۇشاققا شابۋىلدى «يسلام مەملەكەتى» ەكسترەميستىك ۇيىمى موينىنا العان.

17 - قازاندا رەسەي فەدەرالدىق قاۋىپسىزدىك قىزمەتى سينايدا قۇلاعان ۇشاققا تەراكت جاسالعانى تۋرالى مالىمدەگەن.

«ازاتتىق»