پەتروپاۆلدا تاۋەلسىزدىك پاتشايىمى اقوردا ءتارىزدى ءتاج كيدى - فوتو
پەتروپاۆلدا ق ر پرەزيدەنتى نۇرسۇلتان نازاربايەۆتىڭ اتىنان «جىبەك جولىنىڭ جاڭاجىلدىق ەرتەگىسى» جاڭا جىلدىق تەاترلاندىرىلعان قويىلىمى ءوتتى. مەرەكەلىك شاراعا س ق و اكىمى ەرىك سۇلتانوۆ قاتىستى. بۇل تۋرالى ءوڭىر باسشىسىنىڭ باسپا ءسوز قىزمەتى حابارلادى.
وبلىستىڭ بارلىق اۋداندارى مەن پەتروپاۆل قالاسىنان سپورت سارايىنا 9 بەن 13 جاس ارالىعىنداعى 200 بالا جينالدى. ولاردىڭ ءبارى دە ءبىر-بىرىنە ۇقسامايتىن جاڭاجىلدىق كيىمدەر كيگەن. بالالاردى مەملەكەت باسشىسى بەينەۇندەۋ ارقىلى جاڭا جىلمەن قۇتتىقتادى. سونىمەن قاتار سالتاناتقا جينالعان ءاربىر بالا ق ر پرەزيدەنتى اتىنان سىيلىققا نوۋتبۋكتەر مەن تاتتىلەر الدى.
سولتۇستىك قازاقستاندىق بالدىرعانداردى وبلىس اكىمى ەرىك سۇلتانوۆ قۇتتىقتاپ، كەلە جاتقان جاڭا جىلعا ىزگى تىلەكتەرىن جەتكىزدى.
مەرەكەلىك باعدارلاما وبلىس باسشىسىمەن جانە تەاترلاندىرىلعان قويىلىم كەيىپكەرلەرىمەن بىرگە جاسىل شىرشا اينالاسىندا ءان- جىرعا ۇلاستى.
مەرەكە سوڭىندا ەڭ ۇزدىك كارناۆالدىق كيىمدەر بايقاۋىنىڭ قورىتىندىسى شىعارىلدى. گران- پريگە جەتىم بالالار مەن اتا- اناسىنىڭ قامقورلىعىنسىز قالعان بالالارعا ارنالعان ايىرتاۋ مەكتەپ- ينتەرناتىنىڭ تاربيەلەنۋشىسى انگەلينا شۋلگينا يە بولدى. وعان تاۋەلسىزدىك پاتشايىمى اتالاتىن جاڭاجىلدىق كيىمى ءۇشىن باس جۇلدە - ءۇي كينوتەارى تاپسىرىلدى.
«ءبىزدىڭ تىككەن كيىمىمىز ءتۇرلى- تۇسپەن قۇبىلادى، ونى تىگۋگە مىڭنان استام ءىنجۋ مونشاقتار مەن باسقا دا اشەكەيلەر جۇمسالدى، كيىمدى تىگۋ ءبىر اي بويى جالعاستى. بۇل قولدان جاسالعان ەڭبەك. ءبىز ونى تاۋەلسىزدىكتىڭ 25 جىلدىعىنا ارنادىق. ءبىز وتانىمىزدىڭ سۇلۋلىعىن كورسەتپەك بولدىق. كيىمدە ەلوردامىزدىڭ ورتالىعى بەينەلەنگەن. ءبىز بالالارعا كورسەتىپ وتىرعان قامقورلىعى ءۇشىن پرەزيدەنتىمىزگە العىس ايتامىز»، - دەدى ايىرتاۋ مەكتەپ- ينتەرناتىنىڭ تەحنولوگيالار مۇعالىمى سۆەتلانا ۆارناۆينا.
