استانادا قويماداعى ءىرى ءورت ءسوندىرىلدى - فوتو

استانا. قازاقپارات - استانادا رەزينا- تەحنيكالىق، قاعاز جانە ماي ونىمدەرى قويماسىنداعى ءىرى ءورت ءسوندىرىلدى.

« 24 -جەلتوقساندا استانادا بولعان رەزينا- تەحنيكالىق، قاعاز جانە ماي ونىمدەرى قويماسىنداعى كۇردەلى ءورتتى سوندىرۋگە 26 بىرلىك تەحنيكا، 100 گە جۋىق ادام جۇمىلدىرىلدى. ءتىلسىز جاۋمەن 7 ساعاتقا سوزىلعان ايقاس 25 -جەلتوقساندا ساعات 00:43 تە ءسوندىرىلدى»، - دەپ حابارلادى ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ.

ەسكە سالا كەتەيىك، وقيعا ورنىندا جەدەل شتاب قۇرىلدى. ءورت 3 مىڭ شارشى مەتر اۋماقتى قامتىدى. جالىننىڭ قاتار تۇرعان كونتەينەرگە ۇلاسۋىنا جول بەرىلمەدى.

قۇربان بولعاندار مەن زارداپ شەككەندەر جوق. ءورتتىڭ شىعۋ سەبەپتەرى انىقتالاتىن بولادى.

ءورت 24 -جەلتوقساندا ساعات 18::00 دە ورتكە قارسى كۇرەس بايلانىسى ورتالىق پۋنكتىنە استانا قالاسى، بەيسەكبايەۆ كوشەسىندە ورنالاسقان قويما عيماراتىندا ءورت شىققانى تۋرالى حابار كەلىپ ءتۇستى.

بۇل حابارلاما بويىنشا 18:01 دە قۇرامىندا 3 اۆتوسيستەرنا، 1 بىرلىك اسا-20 (اپاتتىق- قۇتقارۋ اۆتوموبيلى) جانە جەكە قۇرامنىڭ 16 ادامى بار تاياۋ ماڭداعى №1 ءورت ءسوندىرۋ ءبولىمىنىڭ وكىلدەرى جونەلتىلدى.

18:05 تە شاقىرىلعان جەرگە كەلىپ جەتكەن ءورت سوندىرۋشىلەر عيماراتتا اۆتومايلار، قاعازدار، رەزينا- تەحنيكالىق بۇيىمدار جانە باسقا دا شارۋاشىلىق ونىمدەرى ورتەنىپ، قويۋ ءتۇتىن باسقانىن جانە شارۋاشىلىق- حيميالىق ونىمدەردىڭ لاپىلداپ جارىلىپ جاتقانى انىقتالدى.

20.43 تە ءورتتىڭ اۋىزدىقتالۋى قامتاماسىز ەتىلدى.