وڭتۇستىك قازاقستاندا بوراندا اكەسىن ىزدەپ كەتكەن جىگىتتى ىزدەدى - فوتو، كەسكىن
و ق و ت ج د قۇتقارۋ جاساعىنىڭ رەسمي وكىلى پاۆەل ۆيشەنيننىڭ ايتۋىنشا، ماماندار قار قۇرساۋىنان شىعا الماعان ادامدارعا كەز كەلگەن ساتتە كومەككە شىعۋعا دايىن.
قازىرگى كەزدە سوزاقتان بايدىبەك اۋدانىنا اپاراتىن كۇرە جول ەڭ پروبلەمالىق اۋدان بولىپ وتىر. ءدال سول جەردەن شايان ەلدى مەكەنىنىڭ تۇرعىنىمەن بىرنەشە ساعات بايلانىس جوق بولعانى تۋرالى حابارلاما كەلىپ تۇسكەن. قارا ءتۇستى «شكودا» كولىگىمەن شىعىپ كەتكەن ول جوعالىپ كەتتى. ونى ىزدەۋگە تاسكومىرساي اسۋىنا ءۇش تەحنيكاعا مىنگەن 12 ادام جىبەرىلدى. الايدا جارتى ساعاتتان كەيىن ەر ادامنىڭ كولىگىمەن گرەيدەردىڭ ار جاعىنداعى جولمەن بايدىبەك اۋدانىنىڭ شاقپاق ەلدى مەكەنىنە بارا جاتقانى تۋرالى اقپارات كەلىپ تۇسكەن.
ونى ىزدەۋ جۇمىستارىن توقتاتۋ شەشىلىپ، ونىڭ ورنىنا قۇتقارۋشىلارعا ولاردى كۇتپەي، دوستارىمەن بىرگە ەكى دجيپكە ءمىنىپ اكەسىن ىزدەۋگە سوزاق اۋدانىنا كەتكەن بالاسىن ىزدەۋگە تۋرا كەلدى. قۇتقارۋشىلار ونى دا تاپتى، جانە اۋا رايىنىڭ قولايسىزدىعىنا بايلانىستى ودامان بۇلاق اسۋىنا دەيىنگى جولدى تورۋىلداۋ شەشىمى قابىلداندى.
ناتيجەسىندە جولدان شىعىپ كەتكەن 7 تەحنيكا بىرلىگى شىعارىلىپ، 20 ادام قۇتقارىلدى.
اۆتور: قانات مامەتقازى ۇلى
