تۇركى الەمىنىڭ ەكونوميستەر وداعى قۇرىلدى
تۇركى الەمىنىڭ ەكونوميستەر وداعى تۇركى الەمى ەلدەرىمەن ىقىلاس تانىتقان باسقا دا مەملەكەتتەر ەكونوميستەرىنىڭ باسىن قوساتىن ەرىكتى حالىقارالىق ۇيىم بولماق. نەگىزگى ماقساتى: تۇركىتىلدەس مەملەكەتتەر ەكونوميستەرى اراسىندا تىعىز بايلانىس ورناتىپ، عىلىمي جانە ەكونوميكالىق زەرتتەۋلەردىڭ دامۋىنا، ءارى حالىقارالىق دەڭگەيگە ساي كەلەتىن ەكونوميكالىق زەرتتەۋلەردىڭ جوعارى ستاندارتتارىن قالىپتاستىرۋعا اتسالىسۋ بوپ سانالادى.
بۇگىن قول قويىلعان شەشىمگە سايكەس، وداقتىڭ ءتوراعاسى بولىپ ازەربايجان ۇلتتىق ەكونوميكا ۋنيۆەرسيتەتىنىڭ رەكتورى ا. مۋرادوۆ سايلاندى.
تۇركى اكادەمياسى حالىقارالىق ۇيىمى ەكونوميستەر وداعىنىڭ تۇركى الەمىنىڭ ينتەللەكتۋالدىق كەڭىستىگىندە ارەكەت ەتەتىن ۇيىمدارمەن عىلىمي جانە حالىقارالىق بايلانىستارىن رەتتەيتىن ۇيلەستىرۋشى ءرولىن اتقاراتىن بولادى.
ايتا كەتۋ كەرەك، تۇركى الەمىنىڭ ەكونوميستەر وداعىنا تۇركى كەڭەسىنە مۇشە مەملەكەتتەردىڭ جانە قىزىعۋشىلىق بىلدىرگەن وزگە دە ەلدەردىڭ ۇلتتىق ەكونوميستەر وداقتارى (قاۋىمداستىقتارى، بىرلەستىكتەرى) مۇشە بولا الادى، دەپ حابارلايدى تۇركى اكادەمياسى حالىقارالىق ۇيىمىنىڭ باسپا ءسوز قىزمەتى.
