16:55, 24 - جەلتوقسان 2015 | GMT +5
ساۋداعا تۇسكەن قازاقتار قۇتقارىلدى
استانا. قازاقپارات - قازاقستاننىڭ سىرتقى ىستەر مينيسترلىگى باحرەين مەن ليۆيادا ادام ساۋداسى بويىنشا قىلمىستىق جەلىلەرگە تاپ بولعان جەتى قازاقستاندىققا كومەك كورسەتتى، - دەپ مالىمدەدى قازاقستاننىڭ سىرتقى ىستەر ءمينيسترى ەرلان ىدىرىسوۆ.
«ءبىزدىڭ ەلشىلەرىمىزدىڭ ارقاسىندا سينديكاتتاردىڭ ادام ساۋداسى بويىنشا قىلمىستىق جەلىلەرىنەن باحرەيندەگى قازاقستاننىڭ بەس ازاماتشاسى، سونىمەن قاتار ليۆياداعى ەكى ازاماتشاسى قۇتقارىلدى»، - دەدى ىدىرىسوۆ سارسەنبىدەگى باسپا ءسوز كونفەرەنسياسىندا.
ول تۇركيادان وتكەن جىلى جازدا Travel Systems تۋريستىك كومپانياسىنىڭ بانكروتقا ۇشىراۋىنا بايلانىستى وزگە ەلدە قالىپ قويعان 500 قازاقستاندىق تۋريست امان-ساۋ جەتكىزىلگەندىگىن ەسكە ءتۇسىردى.
«ءبىز حالىققا جاقىن بولۋ ءۇشىن ءبىرقاتار شارالار قولدانامىز. ءبىزدىڭ ماڭىزدى مىندەتتەرىمىزدىڭ ءبىرى - ەلشىلىك قىزمەتىمىز. ءبىزدىڭ ەلشىلەرىمىز ازاماتتارىمىزعا بەلسەندى قولداۋ كورسەتىپ، ولاردىڭ مۇددەسىن قورعايدى»، - دەپ قورىتىندىلادى ول.
«ۇلت اقپارات»
