اقتاۋدا كولىكتىڭ استىنا ءوزى بارىپ تۇسكەن جاياۋ جۇرگىنشى تۋرالى ۆيدەوروليك جاريالاندى
باسىلىمنىڭ مالىمەتىنشە، روليكتەن اۆتوكولىك جۇرگىزۋشىسىنىڭ جاياۋ جۇرگىنشىنى قاعىپ كەتكەنىن كورۋگە بولادى. الايدا وقيعانىڭ كۋاگەرلەرى زارداپ شەككەن ادامنىڭ ارەكەتى ميعا قونبايدى دەپ مالىمدەدى. سەبەبى، ولاردىڭ ايتۋىنشا، ەر ادام كولىكتى ءوزىن قاقتىرۋعا تىرىسقان.
«سول ساتتە باعدارشامدا جاياۋ جۇرگىنشىنىڭ جۇرۋىنە رۇقسات ەتەتىن سيگنال بەرىلدى. جىگىت جاياۋ جۇرگىنشىلەر جولىنا اسىقپاي كەلىپ، ءوتىپ بارا جاتقان كولىكتىڭ استىنا جىلدام بارىپ ءتۇستى. جۇرگىزۋشى بىردەن توقتادى. زارداپ شەككەن ادامنىڭ ءوز بەتىنشە تۇرىپ، تەلەفونىن الىپ شىققانىن ۆيدەودان كورۋگە بولادى. وسىدان كەيىن ول اۆتوكولىكتىڭ الدىنا بارىپ، ونى قاعىپ كەتكەندەي ەتىپ، جەرگە جاتىپ الدى»، - دەدى روليكتىڭ اۆتورى.
جۇرگىزۋشىلەردىڭ ايتۋىنشا، بۇل جاعدايعا قاتىستى ەكى ءتۇرلى نۇسقانى قاراستىرۋعا بولادى. «جاياۋ جۇرگىنشى ماس بولعان نەمەسە ەسىرتكى شەككەن نەمەسە بۇل جالا جابۋدىڭ جاڭا ءتۇرى»، - دەيدى ولار. وسىعان بايلانىستى اقتاۋلىقتار بۇل وقيعانى تىڭعىلىقتى زەرتتەۋدى پوليتسەيلەردەن ءوتىنىپ وتىر.
