اتامبايەۆ تۇركيا مەن رەسەي اراسىنداعى شيەلەنىسكە قاي ەلدىڭ كىنالى ەكەنىن ايتتى
قىرعىزستان باسشىسى بۇل ماسەلەگە قاتىستى ءوز پوزيتسياسىن تۇڭعىش رەت جەتكىزدى، ول تۇركيانىڭ ەل ەكونوميكاسىنداعى ءىرى ينۆەستورلاردىڭ ءبىرى ەكەنىن دە ەسكەرە كەتتى.
«بۇل ۇلكەن قاتەلىك، ءتىپتى ودان دا زور - بۇل جاعداي ەكى ەلدىڭ دە حالقى ءۇشىن قايعى اكەلدى. جاعداي ءورشىپ بارادى، ءبىز رەسەيلىك جانە تۇركيالىق تەلەارنالاردىڭ دولدانىپ جاتقانىن كورىپ وتىرمىز. مەن ر ف مەملەكەتتىك دۋماسى ءتوراعاسى ورىنباسارىنىڭ ىستامبۇلدىڭ ماڭىنا اتوم بومباسىن تاستاۋ كەرەك دەپ ايتقانىن ەستىدىم. ءبىز تۇرىك تاراپى جالعان تاكاپپارلىقتى قويىپ، قوسىمشا قادام جاسايدى دەپ ۇمىتتەنەمىز. ال رەسەي بار كۇشىن جيناپ، تۇركيانى كەشىرەدى»، - دەدى اتامبايەۆ.
المازبەك اتامبايەۆتىڭ حابارلاۋىنشا، ول بۇل ماسەلەنى تاياۋدا ماسكەۋگە بارعان بەيرەسمي ساپارىندا ۆلاديمير پۋتينمەن تالقىلاعان. قىرعىزستان پرەزيدەنتى ەكى ەل ءبىرىن-ءبىرى كەشىرەدى دەپ ۇمىتتەنىپ وتىر.
ەسكە سالا كەتەيىك، رەسەي مەن تۇركيانىڭ قارىم-قاتىناسى سيريا-تۇركيا شەكاراسىندا رەسەيلىك سۋ-24 بومبالاۋشى ۇشاعىن اتىپ ءتۇسىرۋ وقيعاسىنان كەيىن بۇزىلا باستادى. وقيعا 24- قاراشادا بولدى. ب ا ق مالىمەتىنشە، ۇشاق تۇرىكتىڭ F-16 جويعىشىنىڭ «اۋە-اۋە» تۇرىندەگى زىمىرانى ارقىلى اتىپ تۇسىرىلگەن جانە سيريادا، تۇركيانىڭ شەكاراسىنا 4 شاقىرىم جەرگە قۇلاعان. ۇشقىشتاردىڭ ءبىرى ءتىرى قالدى. ر ف اۋە كۇشتەرى باس شتابى شابۋىلعا ۇشىراعان سۋ-24 بومبالاۋشىسىنىڭ تۇركيانىڭ اۋە كەڭىستىگىن بۇزباعانىن مالىمدەدى جانە بۇل مالىمەتتىڭ سيريالىق اۋە قورعانىسىنىڭ مالىمەتتەرىمەن راستالاتىنىن العا تارتتى. ال تۇركيا ۇشاقتىڭ شەكارانى بۇزعانىن ايتىپ وتىر.
