گرۋزيا پرەمەر-ءمينيسترى قىزمەتىنەن كەتەدى
«مەن بۇگىن پرەمەر-مينيستر قىزمەتىمەن قوش ايتىسۋعا شەشىم قابىلدادىم»، - دەپ مالىمدەدى گاريباشۆيلي ءوزىنىڭ ارنايى جولداۋىندا.
گرۋزيا كونستيتۋتسياسىنا سايكەس پرەمەر-ءمينيستردىڭ وتستاۆكاعا كەتۋى نەمەسە ءوزىنىڭ وكىلەتتىگىن توقتاتۋى ۇكىمەتتىڭ باسقا مۇشەلەرىنىڭ دە وكىلەتتىگىن توقتاتۋعا اكەپ سوعادى.
پرەزيدەنت جەتى كۇن مەرزىم ىشىندە پارلامەنتتىك كوپشىلىكتىڭ قولداۋىمەن پرەمەر-ءمينيستردىڭ كانديداتۋراسىنا جاڭا ۇمىتكەردى ۇسىنادى، بۇدان كەيىن ۇمىتكەر پارلامەنتكە ۇكىمەت قۇرامىن ۇسىنادى.
پارلامەنت جەتى كۇن ىشىندە قاراپ، ۇكىمەتكە سەنىم ءبىلدىرۋ ماسەلەسىن داۋىسقا سالادى.
جاڭا ۇكىمەت سەنىمگە يە بولۋى ءۇشىن دەپۋتاتتاردىڭ كوپشىلىگىنىڭ قولداۋىنا سۇيەنۋى ءتيىس.
يراكلي گاريباشۆيلي گرۋزيا پرەمەر-ءمينيسترى قىزمەتىن 2013-جىلعا قاراشادان بەرى اتقارىپ كەلەدى، بۇعان دەيىن بۇل لاۋازىمدا بيدزينا يۆانيشۆيلي بولعان ەدى.
گاريباشۆيلي پرەمەر لاۋازىمىنا تاعايىندالۋعا دەيىن گرۋزيا ىشكى ىستەر ءمينيسترى بولىپ قىزمەت اتقارعان ەدى، دەپ حابارلايدى BBC.
