ي. تاسماعامبەتوۆ ماسكەۋدە ت م د قورعانىس مينيسترلەرى كەڭەسىنىڭ وتىرىسىنا قاتىستى - فوتو
وتىرىس باستالار الدىندا ر ف قورعانىس ءمينيسترى سەرگەي شويگۋ ق ر قورعانىس مينيسترىنە باستى رەليكۆيا، جۋىردا استانادا اشىلعان قارۋلى كۇشتەردىڭ اسكەري-تاريحي مۇراجايىندا لايىقتى ورىن تاباتىن جەڭىس جالاۋىنىڭ كوشىرمەسىن بەردى، دەپ حابارلايدى ق ر ق م باسپا ءسوز قىزمەتى.
ودان باسقا، كۇن تارتىبىندە ت م د ءا ش ق ق بىرىككەن جۇيەسىن دامىتۋ مەن ۇستاۋ، ت م د قاتىسۋشى مەملەكەتتەر قارۋلى كۇشتەرى ينجەنەرلىك اسكەرلەرىنىڭ ءوزارا ءىس-قيمىلى، اسكەري ءبىلىم بەرۋ، سونداي-اق 2016-جىلعا ارنالعان ىنتىماقتاستىق جوسپارلارىن بەكىتۋگە قاتىستى ماسەلەلەر قوزعالدى.
ودان باسقا، قورعانىس مينيسترلەرى كەڭەسىنىڭ جاڭا حاتشىسى بولىپ گەنەرال-مايور يۋري داشكين تاعايىندالدى. جانە ت م د ق م ك كەلەسى وتىرىسىنىڭ ءتارتىبى بەكىتىلدى. سونىمەن قاتار وتىرىستا 2015-جىلعا دەيىن ت م د- نىڭ اسكەري ىنتىماقتاستىق تۇجىرىمداماسىن ورىنداۋ قورىتىندىسى قارالدى.
اعىمداعى جىلدىڭ 16- قازانىندا بۋرابايدا وتكەن ت م د مەملەكەتتەرى باسشىلارى كەڭەسىنىڭ وتىرىسىندا 2020-جىلعا دەيىن ت م د قاتىسۋشى مەملەكەتتەرىنىڭ اسكەري ىنتىماقتاستىق تۇجىرىمداماسى بەكىتىلگەنىن ەستەرىڭىزگە سالا كەتەيىك.
ءدال وسى كۇنى ق ر قورعانىس ءمينيسترى ي. ن. تاسماعامبەتوۆتىڭ ر ف قورعانىس ءمينيسترى س. ك. شويگۋمەن ەكىجاقتى كەزدەسۋى ءوتتى. وسى كەزدەسۋدە حالىقارالىق ارميا ويىندارىن وتكىزۋ ماسەلەلەرى تالقىلاندى. ويتكەنى، كەلەسى جىلدان باستاپ قازاقستان ارميا ويىندارىنىڭ ەكى كەزەڭىن قابىلدايدى. ارتيللەرياشىلاردىڭ سايىسى جانە مەرگەندەردىڭ بايقاۋى.
«سايىسۋ رۋحى ولارعا سەنىپ تاپسىرىلعان تەحنيكا مەن قارۋ-جاراقتى قولدانۋدىڭ ءىس جۇزىندەگى اسپەكتىلەرىن تەرەڭىرەك مەڭگەرۋگە ىقپال ەتەدى. ونىڭ ۇستىنە مۇنداي ءىس-شارالار جەكە قۇرامنىڭ جاۋىنگەرلىك رۋحىن ارتتىرادى. اتالعان باستامانى قولداي وتىرىپ، قازاقستاندىق تاراپ ءوزىنىڭ اۋماعىندا سايىس بولىگىن ۇيىمداستىرۋعا جانە رەسەي فەدەراتسياسىنىڭ اۋماعىندا 19 سايىسقا قاتىسۋ ءۇشىن وزدەرىنىڭ وكىلدەرىن جىبەرۋگە ءازىر»، - دەدى كەزدەسۋ بارىسىندا يمانعالي تاسماعامبەتوۆ.
بيىلعى جىلى اسكەريلەرىمىز كەڭىنەن تانىمال «تانك بياتلونى»، «اۆيادارتس» ۇشۋ ەكيپاجدارىنىڭ سايىسىنان باسقا «كاسپيي تەڭىزى» اسكەري-تەڭىز كورابلدەرىنىڭ بايقاۋىنا قاتىسقانىن ايتا كەتكەن ءجون. بۇل ويىندار قارۋلى كۇشتەر اراسىندا سەرىكتەستىكتى نىعايتۋدا بەلگىلى ءبىر ءسات بولعانى ءسوزسىز.
