08:54, 24 - جەلتوقسان 2015 | GMT +5
عالىمدار ا ق ش- تا جاڭاجىلدىق جانە روجدەستۆولىق بەزەندىرۋگە قانشا ەلەكتر قۋاتى جۇمسالاتىنىن ەسەپتەدى
استانا. قازاقپارات - امەريكاندىق ۇيلەر روجدەستۆو شامدارىنا مەرەكە كەزىندە باسقا ەلدەردىڭ ءبىر جىلدا جۇمسايتىن ەلەكتر قۋاتىن شىعىندايدى، جاھاندىق دامۋ ورتالعىنىڭ زەرتتەۋشىلەرى وسىنداي قورىتىندىعا كەلدى.
كوپتەگەن امەريكاندىقتار گۇلدەستەلەر مەن ەلەكتر شامدارىن وزدەرىنىڭ ۇيلەرىنىڭ توبەلەرىنە، اعاشتارعا ءىلىپ قويادى. مەرەكەلىك جارىقتاندىرۋعا 6 ميلليارد كيلوۆاتت- ساعاتتان استام ەلەكتر قۋاتى جۇمسالادى، مۇنداي شىعىندى ەفيوپيا، تانزانيا نەمەسە سالۆادور سياقتى ەلدەر ءبىر جىلدا جۇمسايدى، دەپ حابارلادى بي- بي- سي.
زەرتتەۋشىلەردىڭ ايتۋىنشا، ولار امەريكاندىقتاردى روجدەستۆولىق بەزەندىرۋدەن باس تارتۋعا شاقىرمايدى. زەرتتەۋ ماقساتى باي جانە كەدەي ەلدەر اراسىنداعى ەلەكتر ەنەرگياسىن تۇتىنۋ ايىرماشىلىعىن اتاپ كورسەتۋ عانا بولدى.
