عالىمدار: تۇنگى اس ميعا تەرىس اسەر ەتەدى

استانا. قازاقپارات - تۇنگى ۇيقىعا بولىنەتىن ۋاقىتتا تاماقتانۋ ادام سالماعىنا عانا ەمەس، سونىمەن بىرگە ميىنا دا تەرىس اسەر ەتەدى. بۇل ەستە ساقتاۋ قابىلەتىنىڭ السىرەۋىنە اسەرىن تيگىزەدى.

بۇل تۋرالى امەريكالىق عالىمدار ايتتى.

 گەنەتيكتەر تىشقانداردى تاجىريبەگە قاتىستىردى. ەكى اپتاداي كەمىرۋشىلەردىڭ ءبىر توبىن كەشكى ساعات توعىز بەن تۇنگى ساعات ءۇش اراسىندا، ەكىنشى توپتى تاڭعى ساعات توعىزدان كەيىن عانا تاماقتاندىردى.

 ەكى توپتاعى تىشقاندار دا بىردەي ۋاقىت ۇيىقتادى. الايدا تۇندە تاماقتاندىرىلعانداردىڭ ۇيقىسى بۇزىلدى (ءجيى وياناتىن بولدى) . سونىمەن بىرگە ەستە ساقتاۋ قابىلەتى مەن وقۋ ۇدەرىسىنە جاۋاپ بەرەتىن اقۋىزداردىڭ بولىنۋىنە اسەرىن تيگىزدى. وسىلايشا ۇيقىعا بولىنگەن ۋاقىتتا تاماقتانعانداردىڭ ەستە ساقتاۋ تەستتەرىندەگى ناشارلاۋ بولدى، دەپ حابارلادى شەتەلدىك ب ا ق.