02:01, 24 - جەلتوقسان 2015 | GMT +5
ءبورى بەينەسىندەگى تاڭعاجايىپ اسپان شۇعىلاسى
استانا. قازاقپارات - شۆەتسيانىڭ سولتۇستىگىندەگى پاجالا ەلدىمەكەنىندە سولتۇستىك شۇعىلاسىنىڭ فوتوسىن ءتۇسىرىپ جۇرگەن مارجا تەرتتۋ كارلسسون تاڭعاجايىپ كورىنىسكە كۋا بولعان.
ول سولتۇستىك شۇعىلاسىنىڭ قاسقىر بەينەسىنە ۇقسايتىن كورىنىسىن سۋرەتكە ءتۇسىرىپتى. بۇل بەينەنى الەۋمەتتىك جەلىلەردىڭ قولدانۋشىلارى ەكى كۇن ىشىندە 32 مىڭ رەت بولىسكەن.
شۆەتسيانىڭ SVT تەلەارناسىنىڭ ۆەب- سايتىندا تۇرعان فوتوعا قىزىعۋشىلاردىڭ سانى وتە مول. ءبىراز ادامداردىڭ بۇل فوتونىڭ فوتوشوپ ارقىلى وڭدەلگەنىن ايتۋىنا بايلانىستى مارجا تەرتتۋ كارلسسون ءوز پىكىرىن ءبىلدىردى.
ول ءوزىنىڭ فوتوشوپپەن جۇمىس ىستەي المايتىندىعىن، ءتىپتى كومپيۋتەرىنە بۇل باعدارلامانى ورناتپاعانىن دا العا تارتقان. فوتوگراف: «وتكەن جىلى سولتۇستىك شۇعىلاسىن فوتوعا ءتۇسىرىپ جۇرگەن كەزدە تاۋىس قۇسىنا ۇقساس بەينەنى كەزدەستىرگەنمىن. بالكىم، الداعى ۋاقىتتا اسپاننان ايۋدىڭ بەينەسىن كورەتىن شىعارمىن»، - دەپ مالىمدەپتى.
Kaznews.kaztrk.kz
