استانادا «تۇرعىن ءۇي قۇرىلىس جيناق بانكى» جەلىسى بويىنشا باسپانا الۋعا قۇجاتتار قابىلدانۋدا
استانا قالاسىندا ازاماتتاردىڭ بارلىق ساناتتارى ءۇشىن «قازاقستاننىڭ تۇرعىن ءۇي قۇرىلىس جيناق بانكى» اكسيونەرلىك قوعامىنىڭ تۇرعىن ءۇيى» باعىتى بويىنشا وڭىرلەردى دامىتۋدىڭ 2020 -جىلعا دەيىنگى باعدارلاماسىن ىسكە اسىرۋ تالاپتارى جۇزەگە اسىرىلماق.
قازاقستان رەسپۋبليكاسى ۇكىمەتىنىڭ 2014 -جىلعى 28 -ماۋسىمداعى № 728 -قاۋلىسىمەن بەكىتىلگەن وڭىرلەردى دامىتۋدىڭ 2020 -جىلعا دەيىنگى باعدارلاماسىن ىسكە اسىرۋ شەڭبەرىندە استانا قالاسىنىڭ اكىمدىگى جانە «قازاقستاننىڭ تۇرعىن ءۇي قۇرىلىس جيناق بانكى» اكسيونەرلىك قوعامى اراسىندا استانا قالاسى سارايشىق كوشەسى، № 23-31، 23-16، 23-17، 23-30، ا98 كوشەلەر (جوبالىق اتاۋى) لوت 16 جانە م. جۇمابايەۆ داڭعىلى اۋماعى، لوت 13 -مەكەنجايى بويىنشا ورنالاسقان كوپ پاتەرلى تۇرعىن ءۇي كەشەنىنەن تۇرعىن ءۇيدىڭ 1 شارشى مەترىنىڭ قۇنى 120 مىڭ تەڭگەدەن 145,5 مىڭ تەڭگەگە دەيىن بولاتىن 378 پاتەردى ساتۋ جونىندەگى ىنتىماقتاستىق تۋرالى كەلىسىمگە قول قويىلدى، 242 پاتەردى ساتۋ قاراستىرىلىپ وتىر، ونىڭ ىشىندە:
اۋدانى 34,36 شارشى مەتردەن 46,59 شارشى مەترگە دەيىنگى ءبىر بولمەلى 32 پاتەر؛
اۋدانى 56,73 شارشى مەتردەن 60,69 شارشى مەترگە دەيىنگى ەكى بولمەلى 106 پاتەر؛
اۋدانى 74,03 شارشى مەتردەن 91,98 شارشى مەترگە دەيىنگى ءۇش بولمەلى 104 پاتەر.
استانا قالاسى، ە. برۋسيلوۆسكيي جانە ا. يمانوۆ كوشەلەرىنىڭ قيىلىسى لوت 13 مەكەنجايىندا ورنالاسقان كوپ پاتەرلى تۇرعىن ءۇي كەشەنىندە 136 پاتەردى ساتۋ قاراستىرىلىپ وتىر، ونىڭ ىشىندە:
اۋدانى 32,27 شارشى مەتردەن 33,5 شارشى مەترگە دەيىنى ءبىر بولمەلى 60 پاتەر؛
اۋدانى 46,83 شارشى مەتردەن 56,85 شارشى مەترگە دەيىنگى ەكى بولمەلى 68 پاتەر؛
اۋدانى 69,73 شارشى مەترلىك ءۇش بولمەلى 8 پاتەر.
تۇرعىن ءۇي تۇرعىن ءۇي قارىزى، تۇرعىن ءۇي قۇرىلىس جيناق نەمەسە ءوز قاراجاتى ەسەبىنەن تىكەلەي ساتىپ الۋ جولىمەن جەكە مەنشىككە بەرىلەدى. تولەم قابىلەتتىگى دالەلدەنبەگەن جاعدايدا تۇرعىن ءۇي كەيىننەن ساتىپ الۋ قۇقىعىمەن 8 جىلدان اسپايتىن مەرزىمگە جالعا بەرىلەدى.
بۇل باعىت بويىنشا قاتىسۋ ءۇشىن قۇجاتتاردى قابىلداۋ 2015 -جىلعى 21-25 -جەلتوقسان (قوسا العاندا) ارالىعىندا جۇرگىزىلەتىن بولادى.
باعدارلاما تالاپتارىنا سايكەس، قۇجاتتاردى قابىلداۋ تەك e.astana.kz ۆەب-پورتالى ارقىلى عانا ءوتىنىش بەرۋشىنىڭ ەلەكتروندىق ساندىق قولتاڭباسىن قولدانۋمەن ىسكە اسىرىلاتىن بولادى. پورتالدىڭ اشىلۋ ۋاقىتى: 2015 -جىلعى 21 -جەلتوقسان، ساعات 9.00، جابىلۋ ۋاقىتى: 2015 -جىلعى 25 -جەلتوقسان ساعات 24.00. پورتالدىڭ جۇمىس ىستەۋ ۋاقىتى - تاۋلىك بويى.
باعدارلاماعا سايكەس «قازاقستاننىڭ تۇرعىن ءۇي قۇرىلىس جيناق بانكى» اكسيونەرلىك قوعامىنىڭ تۇرعىن ءۇيى»: حالىقتىڭ بارلىق ساناتتارى ءۇشىن» باعىتىندا مىنا ساناتتار بويىنشا استانا قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرعان (كەزەكتەگىلەر) ازاماتتار عانا قاتىسا الادى: جەتىم بالالار، اتا- اناسىنىڭ قامقورلىعىنسىز قالعان بالالار؛ حالىقتىڭ الەۋمەتتىك ءالجۋاز توپتارى (ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار؛ مۇگەدەك بالالارى بار نەمەسە ولاردى تاربيەلەۋشى وتباسىلار؛ جاسىنا قاراي زەينەتكەرلەر؛ ورالماندار؛ ەكولوگيالىق زىلزالالار، تابيعي جانە تەحنوگەندى سيپاتتاعى توتەنشە جاعدايلار سالدارىنان تۇرعىن ۇيىنەن ايىرىلعان ادامدار؛ كوپ بالالى وتباسىلار، تولىق ەمەس وتباسىلار؛ مەملەكەتتىك قىزمەتكەرلەر، اسكەري قىزمەتكەرلەر، ارناۋلى مەملەكەتتىك ورگاندار قىزمەتكەرلەرى، بيۋدجەتتىك ۇيىمداردىڭ قىزمەتكەرلەرى.
