ماحابباتى ءساتسىز اياقتالعان قازاقستاندىق جۇلدىزدى جۇپتار - فوتو

الايدا، سەزىمى سارقىلماستاي كورىنەتىن تانىمال تۇلعالار ۋاقىت وتە كەلە ايىرىلىسىپ كەتە بارادى. NUR. KZ ءبىر- ءبىرىن ۇناتقان، ءبىراق، بىرگە قالماعان جۇلدىزدى جۇپتاردى نازارلارىڭىزعا ۇسىنادى.
يۆان برەۋسوۆ جانە ءدىلناز احماديەۆا
قوس ونەرپازدىڭ ماحابباتى قازاقستاندىق شوۋ- بيزنەستەگى ەڭ ۇزاق ءارى رومانتيكاعا تولى بولعان كەزدەسۋلەردىڭ ءبىرى. يۆان مەن ءدىلناز قايدا بارسا دا، جۇبى جازىلعان ەمەس. يۆان سۇيىكتىسىنە جۇرت الدىندا سەزىمىن ءبىلدىرىپ، ولەڭ ارناۋدان باس تارتقان ەمەس. ءانشى ءتىپتى ليمۋزينمەن كەلىپ، ءبىر شوق گۇلىن ءدىلنازعا ۇسىنا وتىرىپ، وعان ءسوز سالعان. 2008 -جىلى جۇلدىزدى جۇپتىڭ ۇيلەنۋ تويىن كۇتىپ جۇرگەن حالىقتى يۆان مەن ءدىلنازدىڭ ەكى جاققا ايىرىلىسىپ كەتۋى دۇرلىكتىرىپ جىبەردى. برەۋسوۆ 2014 -جىلى Lila توبىنىڭ ءانشىسى مەرۋەرت اسانوۆامەن وتاۋ قۇرىپ، ءبىر جىلدان سوڭ جاس جۇبايلاردىڭ قىزى دۇنيەگە كەلدى. ال وزگە جىگىتپەن شاڭىراق كوتەرگەن ءدىلناز احمادييەۆا بيىل كۇيەۋىمەن اجىراسىپ كەتتى.
ايقىن جانە ماقپال يسابەكوۆا
ءبىر كەزدەرى Superstar جۇلدىزدارى رەتىندە تانىلا باستاعان ايقىن مەن ماقپال يسابەكوۆانىڭ اراسىندا سەزىم ۇشقىنىن بايقاعان جۇرت ارتىستەردىڭ بايلانىسىنا تالاي باس قاتىردى. ايقىن مەن ماقپال دا بىرلەسە بەينەبايان ءتۇسىرىپ، وندا عاشىقتاردىڭ ءرولىن سومادعان بولاتىن. جانكۇيەرلەر ءالى كۇنگە دەيىن قوس ءانشىنىڭ قارىم- قاتىناسى جۇمباق كۇيىندە قالعانىن ايتادى.
نۇرجان كەرمەنبايەۆ جانە جانار حاميتوۆا
"ارناۋ" توبىنىڭ ەكس- ءسوليسى جانار حاميتوۆا مەن جاس ءانشى نۇرجان كەرمەنبايەۆتىڭ اراسىندا شىعارماشىلىق بايلانىستان بولەك، عاشىقتىق سەزىمى بولعانىن كوپشىلىك جاقسى بىلەدى. جۇلدىزدى جۇپ جۇرتتىڭ نازارىن وسىلاي وزىنە اۋدارتىپ، ەلەڭ ەتكىزسە دە، ولاردىڭ ماحابباتى ۇزاققا سوزىلمادى. قازىردە جانار حاميتوۆا شوۋ- بيزنەس اۋىلىنان مۇلدەم الىستاپ، كورىنبەي كەتتى.
ايسۇلۋ ازىمبايەۆا جانە جاندوس ايباسوۆ
جۇرتشىلىق ۇزاق ۋاقىت بويى اكتەر جاندوس ايباسوۆتى دينارا باقتىبايەۆامەن كەزدەسىپ ءجۇر دەپ ويلادى. مۇنداي ويعا جەتەلەگەن قوس اكتەردىڭ "ون ي ونا" فيلمىندەگى باس كەيىپكەردىڭ رولدەرىن سومداعان ءساتى ەدى. ءبىراق، بۇل جاي قاۋەسەت ەكەنىن جاندوستىڭ ءوزى دالەلدەدى. اكتەردىڭ جۇرەگىن جاۋلاعان جان اكتريسا ايسۇلۋ ازىمبايەۆا بولىپ شىقتى. ايباسوۆ سۇيىكتىسىمەن بىرگە كامبودجوعا اتتانىپ، دەمالىستارىن بىرگە وتكىزگەن بولاتىن. ءبىراق، وسى ساپاردان سوڭ، جۇلدىزدى جۇپ ەكىگە ايىرىلىسىپ كەتتى.
اسحات سادىرباي جانە ەركە ەسماحان
ءانشى ەركە ەسماحان مەن تانىمال تەلەجۇرگىزۋشى اسحات سادىربايدىڭ اراسىنداعى سەزىم تەز تۇتانىپ، تەز وشكەندەي اسەر قالدىردى. قوس جۇلدىز ءبىر- ءبىرىن ۇناتقان سوڭ، كوپ كەشىكپەي دۇركىرەتىپ توي جاسادى. ومىرگە تۇڭعىش ۇلدارى كەلدى. ءبىراق، شاڭىراعى شايقالعان وتباسى از ۋاقىتتان سوڭ اجىراسىپ كەتتى. وسى جىلى اسحات سادىرباي ءۇشىنشى رەت وتاۋ قۇردى. ەركە ەسماحان بۇرىنعى جارىنا باقىتتى بولۋىن تىلەپ، وتكەن قاتەلىكتەرىن قايتالاماۋعا كەڭەس بەردى.
نيكيتا پرەسنياكوۆ جانە ايدا قاليەۆا
نيكيتا پرەسنياكوۆ قازاقستاندىق جۇلدىز ەمەس، ال ايدا قاليەۆا قاراپايىم قازاق قىزى بولسا دا، جاس جۇپتىڭ ماحاببات حيكاياسى قازاقستاندا شۋ كوتەرىپ، قىزۋ تالقىعا ءتۇستى. پۋگاچەۆانىڭ نەمەرەسى مەن قازاق بويجەتكەنى نيۋ-يوركتە تانىسىپ، ءتورت جىل بويى كەزدەسىپ جۇرگەن. نيكيتا اتا-اناسىنا سۇيىكتىسىن تانىستىرىپ، 2013 -جىلى ايداعا ءسوز سالىپ تا ۇلگەردى. ايتسە دە، بۇل باستاما جالعاسىن تاپپاي، جۇلدىزدى جۇپ ايىرىلىسىپ كەتتى. مۇنداي شەشىمنىڭ سەبەبىن قىز دا، جىگىت تە كوپشىلىككە تۇسىندىرگەن جوق.