استانادا مەرەكە الدىندا ءورت قاۋىپسىزدىگى شارالارى تۇسىندىرىلۋدە
جاڭا جىل - اسىعا كۇتەتىن مەرەكە. ساليۋتتەر، پيتاردالار مەن بەنگال شىراقتارى بۇل مەرەكەنىڭ باستى ءسانى ەكەندىگى بەلگىلى. جاڭا جىلدىق مەرەكە كۇندەرى ورىن الاتىن قايعىلى جايتتاردىڭ كورسەتكىشتەرى «سويلەپ» تۇرعانداي، ازاماتتارىمىز پيروتەحنيكالىق بۇيىمداردى قولدانۋ كەزىندەگى قاراپايىم قاۋىپسىزدىك تالاپتارىنا نەمقۇرايدى قارايتىندىقتارىن كورسەتىپ وتىر.
قايعىلى جايتتاردىڭ الدىن- الۋ ماقساتىندا استانا قالاسى ت ج دەپارتامەنتىنىڭ الماتى اۋدانى ت ج ب قىزمەتكەرلەرى ادامدار كوپ شوعىرلانعان ورىنداردا ءورتتىڭ الدىن- الۋعا باعىتتالعان جۇمىستاردى جۇرگىزۋدە. اتالمىش جۇمىستار شەڭبەرىندە جاڭا جىلدىق ءىس- شارالار ۇيىمداستىرىلاتىن ورىندار نازارعا الىنۋدا.
استانالىق ت ج د قىزمەتكەرلەرى قوعامدىق مەكەمەلەردىڭ باسشىلىعى مەن قىزمەت كورسەتۋشىلەرىنە ءورت قاۋىپسىزدىك ەرەجەلەرىن ءتۇسىندىرىپ، ارنايى جادىنامالار مەن پاراقشالار تاراتتى. ءىس- شارا بارىسىندا مەرەكەلىك شارالاردى وتكىزۋ كەزىندە ادام كوپ شوعىرلانعان جەرلەردەگى پيروتەحنيكالىق بۇيىمداردى، ەلەكتر گيرلياندالارىن قولدانۋ ەرەجەلەرى مەن شىرشالاردى ورناتۋدىڭ ءتارتىبى ءتۇسىندىرىلدى.
بۇگىنگى كۇنى باسقارمانىڭ ينجەنەرلىك- ينسپەكتورلىق قۇرامى تۇنگى كلۋبتار مەن مەيرامحانالاردىڭ باسشىلىعى، جالعا الۋشىلارمەن ارنايى كەزدەسۋلەر ۇيىمداستىرىپ، 400 دەن استام جادىنامالار تاراتىلىپ، 30 مەكەمەگە باس سۇققان بولاتىن. بۇل باعىتتاعى جۇمىستار جالعاسۋدا.
