ەلباسى ب. جىلىسبايەۆتىڭ قايتىس بولۋىنا بايلانىستى كوڭىل ايتۋ جەدەلحاتىن جولدادى
مەملەكەت باسشىسى اۋىر قايعىعا ورتاقتاسا وتىرىپ، كوڭىل ايتتى.
جەدەلحاتتا ب. جىلىسبايەۆتىڭ ۇلى وتان سوعىسىنان ورالعاننان كەيىن الماتى مەملەكەتتىك كونسەرۆاتورياسىن ءبىتىرىپ، بۇكىل ەڭبەك جولىن وسى ونەر ورداسىمەن بايلانىستىرعانى اتاپ وتىلگەن.
«ول ءوزىنىڭ جانعا جاعىمدى تەنور داۋىسىمەن قازاق جانە شەتەل كومپوزيتورلارىنىڭ شىعارمالارىن شەبەر ورىنداپ، جۇرتشىلىقتى ءان ونەرىنىڭ نارىمەن سۋسىنداتا ءبىلدى»، - دەلىنگەن جەدەلحاتتا.
سونداي-اق ب. جىلىسبايەۆتىڭ كونسەرۆاتوريا پروفەسسورى جانە كافەدرا مەڭگەرۋشىسى رەتىندە كوپتەگەن لايىقتى ءىزباسارلارىن دايارلاعانى ايتىلعان. ونىڭ ەڭبەگى جوعارى مەملەكەتتىك ناگرادالارمەن اتاپ ءوتىلىپ، قازاق ك س ر حالىق ءارتىسى قۇرمەتتى اتاعى بەرىلگەن.
نۇرسۇلتان نازاربايەۆ ءانشىنىڭ شىعارماشىلىق مۇراسى قازاقستاندىقتاردىڭ ءالى تالاي بۋىنىن شىنايى ونەردىڭ شاتتىعىنا بولەي بەرەتىنىنە سەنىم ءبىلدىردى.
