قازاقستانداعى ءدارى-دارمەكتىڭ قانشا پايىزى سىرتتان تاسىمالدانادى؟
بۇل تۋرالى بۇگىن ق ر پرەزيدەنتى جانىنداعى و ك ق- دە وتكەن بريفينگتە «س ك- فارماتسيا» ج ش س باسقارماسى ءتوراعاسىنىڭ ورىنباسارى ماكسيم كاساتكين ءمالىم ەتتى.
«بۇگىنگى كۇنى وتاندىق مەديكامەنتتەر ءوندىرىسىنىڭ ۇلەسى 2016 -جىلعا شامامەن 20 پايىزدى قۇراپ وتىر. وكىنىشكە قاراي قالعان ءدارى- دارمەكتى يمپورتتايمىز. دەگەنمەن وڭ ديناميكا بار. ماسەلەن، ەگەر 2010 -جىلى ءبىزدىڭ ساتىپ الۋ قۇرىلىمىمىزداعى وتاندىق ءوندىرىس كولەمى 5 ميلليارد تەڭگە بولسا، قازىر 20 پايىزعا ارتىپ، شامامەن 18-19 ميلليارد تەڭگەگە جەتتى»، - دەدى ول.
ونىڭ اتاپ وتۋىنشە، كومپانيا 15 وتاندىق ءدارى-دارمەك وندىرۋشىمەن 18 كەلىسىمشارت جاساسقان. الداعى ۋاقىتتا قازاقستاندا شىعارىلاتىن ءدارى- دارمەك ءتۇرىنىڭ كوبەيە تۇسۋىنە بايلانىستى كەلىسىمشارت قاتارى دا ارتاتىن بولادى.
ايتا كەتەيىك، «س ك- فارماتسيا» 2016 -جىلى جالپى سوماسى 102 ميلليارد تەڭگەنى قۇرايتىن 1034 ءتۇرلى ءدارى- دارمەك پەن مەديتسينالىق ماقساتتاعى جابدىقتاردى ساتىپ الۋدى جوسپارلاعان. 20 -جەلتوقسانداعى جاعدايعا سايكەس 78,6 ميلليارد تەڭگە سوماعا 830 ءتۇرلى ءدارى-دارمەك ساتىپ الىنعان. ساتىپ الۋلار 2014 -جىلعى باعامەن جۇرگىزىلگەن. بۇل مەديكامەنتتەر 2016 -جىلدىڭ 1 -قاڭتارىنان مەديتسينالىق مەكەمەلەرگە جەتكىزىلە باستايدى.
اۆتور: مارلان جيەمباي
