قازاقستاندا ەڭ تومەنگى جالاقىنى بانك قىزمەتكەرلەرى الاتىنى انىقتالدى

استانا. قازاقپارات - قازاقستاندا مۇنايشىلار مەن بيزنەس-كەڭەسشىلەرى ەڭ جوعارى جالاقى الادى ەكەن.

ال ەڭبەگى ەڭ تومەن اقىعا باعالانعاندار - بانك پەن ءتۇرلى شىعارماشىلىق قىزمەتكەرلەرى بولىپ شىقتى.

ارينە، دارىگەرلەر مەن مۇعالىمدەردەن بولەك. تاۋەلسىز جاسالعان ساراپتاما وسىنداي قورىتىندى بەرىپ وتىر.

ناقتىلاساق، مۇناي- گاز سالاسىندا ەڭبەك ەتەتىندەردىڭ ورتاشا جالاقىسى - 197 مىڭ تەڭگەنى قۇراعان. كاسىپكەرلەرگە كەڭەس بەرۋشى تۇلعالاردىكى - 145 مىڭ تەڭگە شاماسىندا.

بۇدان كەيىن «جالاقىسى جاقسى» دەپ زاڭگەرلەر اتالىپتى. ولاردىڭ الارى ايىنا - 123 مىڭ تەڭگە كورىنەدى. 118 مىڭ تەڭگەنى قالتالاپ، IT- سالاسىنىڭ وكىلدەرى تىزىمگە ىلىگىپ وتىر ەكەن.

جوعارى جالاقى رەيتينگىسىن 108 مىڭ تەڭگەمەن ماركەنتينگ جانە جارناما قىزمەتكەرلەرى اياقتايدى.

ال ەڭ از ايلىق الاتىنداردىڭ ساناتىن بانك وكىلدەرى باستاپ تۇر. ولار 73 مىڭ تەڭگە ايلىقتى مىسە تۇتادى دەسەدى. دارىگەرلەر مەن مۇعالىمدەردىڭ الارى، ارينە، ودان دا تومەن. شامامەن - 43 مىڭ تەڭگە.

بۇدان بولەك، «ەڭبەگى ماردىمسىز» دەپ اگرارلىق قىزمەتتىڭ وكىلدەرى، جازۋشىلار، سۋرەتشىلەر جانە جۋرناليستەر اتالىپتى.

«الماتى» تەلەارناسى