ە. ىدىرىسوۆ: قازاقستان «ۇلكەن ويىن» تۇجىرىمداماسىنان تۇبەگەيلى باس تارتادى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر سىرتقى ىستەر ءمينيسترى ەرلان ىدىرىسوۆ ءمالىم ەتتى.
«جوعارى دەڭگەيدەگى دەلەگاتسيالار بارىس-كەلىسىنىڭ جاندانۋىنا بايلانىستى الەمنىڭ كەيبىر ساراپشىلارى ءبىزدىڭ وڭىردەگى قاندايدا ءبىر «ۇلكەن ويىنداردىڭ» تۋىنداپ كەلە جاتقاندىعىن ايتا باستادى. قىتاي، رەسەي، تۇركيا، ءۇندىستان، جاپونيا، ا ق ش، ەۋروپا كوشباسشىلارىنىڭ ساپارى ولاردا «ۇلكەن ويىن» تۋرالى وي تۋىنداتىپ وتىر. وسى رەتتە مەن قازاقستاننىڭ «ۇلكەن ويىن» تۇجىرىمداماسىنان تۇبەگەيلى باس تارتاتىندىعىن اتاپ وتكىم كەلەدى»، - دەدى ە. ىدىرىسوۆ.
ونىڭ پايىمىنشا، قازاقستان مەن ورتالىق ازيا ەلدەرى جەتىلگەن ويىنشىلار جانە قانداي دا ءبىر ويىنداعى «قولبالا» ەمەس.
«قازاقستان ەۋرازيانى ىنتىماقتاستىقتىڭ، ءوزار ءىس-قيمىل مەن سەنىمنىڭ ۇلكەن الاڭى رەتىندە قاراستىرادى جانە ءبىز بارلىعىنا دا ءتيىمدى تۇجىرىمداما ۇسىندىق»، - دەدى مينيستر.
اۆتور: مارلان جيەمباي
