قازاقستان مەن قىرعىزستان شەكاراسىنداعى وتكىزۋ پۋنكتتەرىنىڭ ورنى اۋىسادى
حاتتاماعا سايكەس، قازاقستان مەن قىرعىزستان وتكىزۋ پۋنكتتەرىنە كوشىرۋگە قاتىستى ماسەلەلەر شەشىمىن تابادى.
«قولدانىستاعى كەلىسىمدەگى وتكىزۋ پۋنكتتەرى ناقتى شەكارادان جيىرما ءۇش شاقىرىم جەردە ورنالاسقان. وندا «مەركە تەمىرجولدىق» وتكىزۋ پۋنكتى ورناتىلعان. وسىعان بايلانىستى ونى «شالدابار تەمىرجولدىق» وتكىزۋ پۋنكتىنە اۋىستىرۋ كوزدەلەدى. مەملەكەتتىك شەكاراعا وتكىزۋ پۋنكتتەرىنىڭ تىكەلەي جاقىن ورنالاسۋى شەكارالىق باقىلاۋدى جۇزەگە اسىرۋداعى مەملەكەتتىك شەكارادان ءوتۋ سىزباسىن وڭايلاتىپ، قاۋىپسىزدىكتى ارتتىرۋعا ىقپال ەتەدى»، - دەدى ينۆەستيتسيالار جانە دامۋ ءمينيسترى اسەت يسەكەشەۆ.
تۇيىندەي ايتقاندا، قازاقستان مەن قىرعىزستان اراسىنداعى وتكىزۋ پۋنكتتەرى مەركە ستانسياسىنان شالدابار ستانسياسىنا كوشىرىلەتىن بولادى. ءماجىلىس ماقۇلداعان زاڭ جوباسى سەناتقا جولدانادى.
اۆتور: قانات مامەتقازى ۇلى
