تەڭگە بەينەلەنگەن كامپيتتەر قازاقستاندىقتاردىڭ اشۋىن كەلتىردى

استانا. قازاقپارات - وراماسىنا تەڭگەنىڭ سۋرەتى سالىنعان كامپيتتەر قازاقستاندىقتاردىڭ ىزاسىن كەلتىردى.

تەڭگە بەينەلەنگەن تاتتىلەر الماتىلىق قاسەن وسپانوۆتىڭ قولداۋىمەن شىعا باستاعان.

شىڭعىس لەپسىبايەۆ ەسىمدى تۇرعىن Facebook پاراقشاسىندا وسىعان قاتىستى ءوزىنىڭ رەنىشىن بىلدىرگەن.

«ليۋباۆا» كامپيتتەرىن الماتىلىق كاسىپكەر رەسەيدە شىعارادى ەكەن. تاڭ قالاتىنىم، تەڭگەدە نە شارۋالارى بار، نەگە رەسەيدە؟ مۇنى قاداعالۋى ءتيىس ادامدار قايدا، نەگە ءبىز بۇنىمەن سوتتاسۋدىڭ ورنىنا جىلى قابىلدايمىز؟»، - دەپ جازادى ول.

«مۇندا وتە قاراپايىم استار جاتىر: باستپاقىدا ءبىز ساۋدا ماركاسىن تىركەپ، ۇلتتىق تاعامىمىزعا قۇقىقتى گەرمانياعا بەرىپ قويدىق (قىمىزدان باستاپ)، كەيىن «راحاتتى» (كونديتەرلىك فابريكا - رەد. ەسكەرتپەسى) ساتىپ جىبەردىك. ەندى وزگە تەندەنتسيا بايقالۋدا: جاس جۇمىسشىلار توبى (بيزنەسمەندەر دەپ اتاۋعا اۋزىم بارمايدى) شەتەلدە مەملەكەتتىك نىشاندار بەينەلەنگەن «وتان پاتريوت» ساعاتتارىن شىعارادى، ال ەندى ءدال سول مودەلمەن ونىڭ (ۇلتتىق ۆاليۋتانىڭ) قاجەتسىزدىگى تۋرالى جاڭالىقتارمەن قاتارلاسىپ، كامپيتتەر شىعارىلا باستادى»، - دەيدى لەپسىبايەۆ.

«مۇندايعا قاشانعى جول بەرىپ وتىرا بەرەمىز. وسىدان كەيىن ولار وزدەرىنىڭ تاۋەلسىز ۇكىمەتىن قۇرىپ الماسىنا كىم كەپىل؟ ال ءبىز تەك تاقىرىپتارىن وقىپ وتىراتىن بولامىز. ەڭ سوراقىسى - ەگجەي-تەگجەيىن بىلمەستەن قول شاپالاقتاپ، وسىندايعا ءوزىمىز بولىسامىز. مۇنداي «پاتريوتتىق» باستامالاردىڭ جولىن كەسىپ، قاداعالاپ وتىراتىن مەملەكەتىمىز بار ەمەس پە؟»، - دەپ ويىن ءتۇيدى شىڭعىس.