وڭتۇستىك پەن سولتۇستىك كورەيا قايتا بىرىگۋى مۇمكىن
بۇل جايىندا «ينتەرفاكس» سولتۇستىك كورەيانىڭ رەسەيدەگى ەلشىلىگىنە سىلتەمە جاساي وتىرىپ حابارلادى.
اتالعان حابارلامادا ايتىلعانداي، سولتۇستىك پەن وڭتۇستىك جەرلەردىڭ اراسىن ءبولىپ تۇرعان قورعاندى بۇزۋ ارقىلى ەكى ەلدىڭ بىرىگۋ پروتسەسى، وركەندەۋى جىلدامداي تۇسەدى. سونداي-اق، سولتۇستىك-شىعىس ازيا ەلدەرىمەن ەكونوميكالىق سەرىكتەستىكتىڭ نەگىزىن قالايدى.
سونىمەن قاتار، ك ح د ر ا ق ش- پەن ارادا بەيبىت كەلىسىمشارت ءتۇزۋدى دە جوسپارلاپ وتىرعانىن مالىمدەدى. ونىڭ ناتيجەسىندە، وقشاۋلانعان وسىناۋ ەل بەيبىتشىلىكتىڭ نىشانىنا اينالادى دەلىنگەن اتالعان قۇجاتتا.
ايتا كەتەيىك، سولتۇستىك پەن وڭتۇستىك كورەيا اراسىنداعى قابىرعا سەۋلدىڭ باستاماسىمەن سالىنىپ، ونىڭ قۇرىلىسى 1979-جىلى اياقتالعان بولاتىن. قورعاننىڭ ۇزىندىعى 240 شاقىرىمدى قۇرايدى. وسىنشاما ۇزىن قابىرعانىڭ تەك ءبىر عانا بولىگىندە ەكى ەل اراسىنداعى ءوتۋ بەكەتى بار.
sn.kz
