جەلىدە ەلىكتىڭ لاعى مەن قابىلاننىڭ دوستىعى بەينەلەنگەن ۆيدەو جاريالاندى - كەسكىن

استانا. قازاقپارات - الەۋمەتتىك جەلىدە جۇرتشىلىقتى تاڭعالدىرعان تاعى ءبىر ۆيدەو پايدا بولدى.

وندا قابىلان مەن ەلىكتىڭ لاعىنىڭ دوستىعى كورسەتىلگەن. وقيعا وڭتۇستىك افريكا ەلدەرىندە تۇسىرىلگەن. بەينەجازبادا كورسەتىلگەندەي، جىرتقىش ەلىكتىڭ لاعىن باۋىرىنا باسقان.

وسىعان دەيىن رەسەيدىڭ پريمور ولكەسىندەگى سافاري-ساياباقتا امۋر اتتى جولبارىس پەن تيمۋر اتتى ەشكىنىڭ دوستىعى جۇرتتى تاڭقالدىرعان ەدى.

باستاپقىدا ەشكى جىرتقىشتىڭ تورىنا ازىق رەتىندە تۇسكەن بولاتىن. ءبىراق تيمۋردىڭ باتىل ارەكەتتەرىنەن جولبارىس سەسكەنىپ، وعان ءتىپتى جاتاتىن ورنىن دا بوساتتى. سول كەزدەن بەرى جانۋارلار بىرگە جۇرەدى.