قاراعاندىلىق عالىمدار جاڭا رەنتگەن قوندىرعىسىن ويلاپ تاپتى
زاماناۋي اپپاراتتىڭ وزىندىك ەرەكشەلىگى بار. ونى قولدانۋ كەزىندە رەنتگەن ساۋلەسىن كورۋگە بولادى ەكەن. ياعني، ساۋلەنى تەك قاجەت جەرگە قاراي باعىتتاۋعا بولادى دەگەن ءسوز.
عالىمداردىڭ ايتۋىنشا، جاڭا قوندىرعىنى مەديتسينا، بيولوگيا، وندىرىسپەن قاتار، زەرگەرلىك سالادا دا قولدانۋعا بولادى. باعاسى دا بالامالى اپپاراتتان ارزان. قۇرالدى ويلاپ تاپقان قاراعاندىلىق عالىمدار اۆتورلىق قۇقىقتارىن پاتەنتتەپ الدى. ەندى ونى قولدانىسقا ەنگىزۋ ءۇشىن تەحنولوگيالاردى كوممەرتسياليزاتسيالاۋ ورتالىعى گرانت ءبولىپ وتىر.
تىڭ جوبانى قازاقستاندىق جانە حالىقارالىق نارىققا شىعارۋ جولدارى دا جان-جاقتى قارالىپ جاتىر.
«ءبىز بۇل قوندىرعىنى ادامنىڭ اۋىز قۋىسىن ءتۇسىرۋ ءۇشىن قولدانباقپىز. بۇل ءتاسىلدى قولدانۋ بارىسىندا ادامنىڭ ميى مەن قالقانشا بەزىنە زاقىم كەلتىرىلمەيدى»، - دەيدى جوبا ازىرلەۋشىسى ولەگ پراۆدين.
