استانادا ۇزدىك ەنەرگەتيكتەر ماراپاتتالدى

استانا. قازاقپارات - قازاقستاندا جەلتوقسان ايىنىڭ ءاربىر ءۇشىنشى جەكسەنبىسىندە ەنەرگەتيكتەر كۇنى اتالىپ وتىلەدى.

بۇگىن ەلوردالىق ءىرى كاسىپورىنداردىڭ ءبىرى - «استانا-رەك» ا ق عيماراتىندا ەنەرگەتيكا سالاسىنىڭ ۇزدىكتەرىن ماراپاتتاۋ سالتاناتى ءوتتى.

مەرەكەلىك شاراعا استانا قالاسى اكىمىنىڭ ورىنباسارى قوسمان ايتمۇحامەتوۆ، ق ر پارلامەنتى سەناتىنىڭ دەپۋتاتى سەرىك جاقسىبەكوۆ، استانا قالاسى ەنەرگەتيكا باسقارماسىنىڭ باسشىسى قايرات ءابدىراسىلوۆ، «استانا-رەك» ا ق باسشىلىعى، اتالمىش سالا قىزمەتكەرلەرى مەن ارداگەرلەرى قاتىستى، دەپ حابارلايدى قالا اكىمدىگىنىڭ باسپا ءسوز قىزمەتىنەن.

شارا بارىسىندا قۇرمەتتى ەنەرگەتيكتەرگە استانا قالاسى اكىمىنىڭ اتىنان قۇتتىقتاۋ گراموتالارى، 10 مامانعا قازاقستان ەلەكتر ەنەرگەتيكاسى قاۋىمداستىعىنىڭ ناگرادالارى، سونىمەن قاتار ءبىرقاتار قىزمەتكەرگە «استانا ەنەرگو سەرۆيس» ا ق قۇرمەت گراموتالارى تابىستالدى.

بۇدان باسقا، شارانىڭ رەسمي بولىگىندە «استانا-رەك» ا ق 50 قىزمەتكەرى كاسىبيلىگى، ادال ءارى كوپجىلدىق ەڭبەگى ءۇشىن گراموتالارمەن ماراپاتتالدى.

شارانىڭ سالتاناتتى بولىگىنەن كەيىن كوپشىلىك نازارىنا مەرەكەلىك كونسەرت ۇسىنىلدى. ۇلتتىق مۋزىكا وينالىپ، مىڭ بۇرالعان بيشىلەر ءوز ونەرلەرىن ورتاعا سالدى.