دەنساۋلىق: حالىق مەديتسيناسىنداعى ءتىس كۇتىمىنىڭ بىرنەشە ءتاسىلى
تۇزدىڭ كومەگىمەن ءتىستى اعارتىپ، قاتايتۋ
تۇز قىزىل يەكتى جاقسى قاتايتىپ، اۋىزداعى جارالاردى جازادى. سونداي- اق، اۋىزدان جاعىمسىز ءيىستىڭ شىعۋىنا جول بەرمەي، ءتىستى اعارتادى. كەز كەلگەن ۇساقتالعان تۇز تىسكە كومەكتەسەدى. الايدا، تەڭىز تۇزىنىڭ ءجونى بولەك. سۋعا جۋىلعان ءمارلىنىڭ ءبىر بولىگىنە تۇز سالىڭىز دا، ءتىسىڭىز بەن قىزىل يەگىڭىزدى ءسۇرتىڭىز. 1 شاي قاسىق تۇزعا 1 اس قاسىق ءزايتۇن مايىن قوسىپ (وسىمدىك مايىن دا قولدانۋعا بولادى) پاستا جاساۋعا دا بولادى. ارالاسقان ماي مەن تۇزدى قولعا جاعىپ، 5 مينۋت بويىنا ءتىسىڭىزدى ءسۇرتىڭىز.
سودانىڭ كومەگىمەن ءتىستى اعارتىپ، قاتايتۋ
ءتىس پەن قىزىل يەكتى قاتايتۋدىڭ ەڭ قاراپايىم ءتاسىلى - ءتىس شەتكاسىنا ازداعان پاستا جاعىپ، ۇستىنە سودا سەبۋ. مۇنداي ءادىستى اپتاسىنا 1 رەت قايتالاڭىز. ويتكەنى، كوپ قايتالاسا ەمال كەتىپ قالۋى مۇمكىن.
مىناداي پاستانى جاساۋعا دا بولادى: جارتى شاي قاسىق سوداعا 10-12 تامشى سۋتەك توتىعىن جانە ازداعان ليمون شىرىنىن قوسىڭىز. سودان سوڭ، بىرنەشە مينۋت بويىنا ءتىستى ەكى جاعىنان ماقتامەن ءسۇرتىڭىز. پروتسەدۋرا اياقتالعان سوڭ، 15 مينۋت بويى ەشتەڭە ءىشىپ- جەمەڭىز. مۇنداي رەتسەپت اۋىزدان جاعىمسىز ءيىس شىعارمايدى، سونداي- اق، قىزىل يەكتى قاتايتىپ، ءتىستى اعارتادى.
ءتىستى اعارتىپ، قاتايتۋعا ارنالعان، ۇيدە دايىندالاتىن پاستا
قىزىل يەك ىسىگىن ەمدەپ، اۋىزدان شىعاتىن جاعىمسىز يىستەن ارىلىپ، قىزىل يەكتى قاتايتىپ، ءتىستى اعارتۋ ءۇشىن كەلەسى رەتسەپتتى قولدانىڭىز: 1 شاي قاسىق ۇساق تۇز بەن 1 شاي قاسىق بالدى ارالاستىرىڭىز. بۇل قوسپامەن ءتىسىڭىزدى اپتاسىنا 1-2 رەت جۋىڭىز.
شاي اعاشىنىڭ مايىمەن ءتىستى اعارتىپ، قاتايتۋ
شاي اعاشىنىڭ مايى باكتەرياعا جانە اسقىنۋعا قارسى ءدارى رەتىندە تانىمال. 1 ستاكان قايناعان سۋعا 3-4 تامشى شاي اعاشىنىڭ مايىن قوسىڭىز دا، اۋزىڭىزدى وسى قوسپامەن جۇيەلى تۇردە شايىپ تۇرىڭىز. ەگەر قىزىل يەگىڭىز اسقىنعان بولسا، شاي اعاشىنىڭ مايىمەن شىلانعان ماقتانى ءتىسىڭىز بەن قىزىل يەككە باسىڭىز.
اقپارات confederation.kz سايتىنان الىندى.
