وسكەمەندىك وقۋشى ساتۋشىسى جوق دۇكەن اشتى - كەسكىن

وقۋشى مەكتەپ اكىمشىلىگىنىڭ، مۇعالىمدەردىڭ جانە اتا-انا كوميتەتىنىڭ رۇقساتىمەن قازاق- تۇرىك ليتسەيىندە ساتۋشىسى جوق دۇڭگىرشەك اشىپتى. توڭازىتقىشقا ءتۇرلى تاتتىلەر مەن سۋسىندار قويىلعان. بارلىق تاۋاردىڭ قۇنى جازىلعان. بالالار شوكولاد پەن سۋسىنداردى الىپ، قوراپقا قاجەتتى سوماسىن تاستاپ كەتەدى، ال قالدىعىن وزدەرى تيىنداردىڭ اراسىنان ەسەپتەپ الادى ەكەن.
يدەيا اۆتورى مۇحامەديار قادىروۆ. ول وسىلايشا مەكتەپ وقۋشىلارىنىڭ شىنشىلدىعىن جانە ءتارتىبىن دامىتقىسى كەلىپتى. بۇل جوبا ءۇش اي بۇرىن باستاۋ الدى. ديرەكتور جوشكۋن شاباننىڭ ايتۋىنشا، باستاپقىدا جارتى اقشا قايتپاي قالىپتى، ءبىراق قازىر قوراپتا سوما تولىقتاي جينالعان.
ايتا كەتەيىك، مۇنداي ەرەكشە دۇكەندەر ەۋروپانىڭ كەيبىر ەلدەرىندە بار. وندا بالالارعا ەمەس، ەرەسەك ادامدارعا دا ارنالعان دۇكەندەر قىزمەت اتقارىپ تۇر.