يليا يلين دوكتورلىق ديسسەرتاتسيا قورعادى
دەنە شىنىقتىرۋ جانە سپورت ماماندىعى بويىنشا ءبىلىم الىپ جۇرگەن يليا يلين «جوعارى كاسىبي اۋىر اتلەتتەردى دايارلاۋدىڭ عىلىمي- ادىستەمەلىك نەگىزدەمەسى» تاقىرىبىنداعى جۇمىسىن ۇسىندى.
ءبىلىم الۋ جىلدارىندا يلين 13 عىلىمي ەڭبەگىن جاريالاعان، سونىڭ ءبىرى Scopus مالىمەتتەر بازاسىنا، ءتورت ماقالا باقىلاۋ كوميتەتىنىڭ جۋرنالىنا، ءبىر جۇمىسى - اۋىر اتلەتيكادان وقۋلىققا ەنگىزىلدى.
يليا يليننىڭ عىلىمي كەڭەسشىسى، پەداگوگيكا عىلىمدارىنىڭ دوكتورى، قاز س ت ا- نىڭ پروفەسسورى، حالىقارالىق اقپاراتتاندىرۋ اكادەمياسىنىڭ اكادەميگى ستانيسلاۆ حاۋستوۆ يليندى تالاپتى، ماقساتىنا ۇمتىلعان ستۋدەنت رەتىندە سيپاتتادى.
عىلىمي اتاقتى الۋشىنىڭ شەتەلدىك كەڭەسشىسى، «ۆاسيل لەۆسكي» (بولگاريا) ۇلتتىق سپورت اكادەمياسىنىڭ پروفەسسورى كولەۆ نيكولاي نەدكوۆ ديسسەرتاتسيالىق جۇمىستىڭ ماڭىزدىلىعىن، جاڭاشىلدىعىن جوعارى باعالاي كەلە، ونىڭ جوعارى پراكتيكالىق وزەكتىلىگىن دە اتاپ ءوتتى.
كەڭەستىڭ ءبىراۋىزدان قابىلداعان شەشىمى بويىنشا يليا يلينگە فيلوسوفيا PhD دوكتورى عىلىمي اتاعى بەرىلدى.
