الماتى تۋرالى كەڭەس زامانىندا تۇسىرىلگەن بىرەگەي تۋىندىلار كورەرمەن نازارىنا ۇسىنىلدى
بۇل شاراعا كينو سالاسىنىڭ ماماندارى مەن ارداگەرلەرى، ش. ايمانوۆ اتىنداعى «قازاق فيلم» ا ق وكىلدەرى، جاس عالىمدار جانە ستۋدەنت جاستار قاتىستى.
شارا بارىسىندا اناتولي ۆاسيليەۆيچ ميشەنكونىڭ سوناۋ 1978 -جىلى تۇسىرگەن «گورود يابلونيەۆىح زور» جانە 1982 -جىلى تۇسىرگەن «ۆەچەرنيايا الما- اتا» تولىقمەتراجدى دەرەكتى فيلمدەرى تۇڭعىش رەت كورەرمەن نازارىنا ۇسىنىلدى. بۇل فيلمدەردى وڭدەپ، قايتا قالپىنا كەلتىرىپ، ساندىق فورماتقا اينالدىرۋعا «قازاق فيلم» كينوستۋدياسىنىڭ ماماندارى ءبىر اي ۋاقىت جۇمساعان. كەزىندە بۇل ەكى فيلم قازاق كينوسىنىڭ 60 جىلدىعى قۇرمەتىنە ك س ر و حالىق شارۋاشىلىعى جەتىستىكتەرى كورمەسىنىڭ كۇمىس جانە قولا مەدالدارىنا يە بولعان.
سول جىلدارى «قازاقستان» تەلەارناسىنان كورسەتىلگەن سوڭ، ۇزاق جىلدار كينوستۋديانىڭ مۇراعاتىندا قالىپ قويعان. ەندى مىنە، 30 جىلدان استام ۋاقىتتان سوڭ، تۇڭعىش رەت ساندىق فورماتقا وتكىزىلىپ، كورەرمەن نازارىنا ۇسىنىلدى. كورەرمەندەر بۇل تۋىندىلاردى اسا جىلى قابىلدادى، ءتىپتى كوزدەرىنە جاس العاندار دا بولدى.
بۇدان كەيىن اناتوليي ميشەنكونىڭ ارىپتەستەرى، كينو سالاسىنىڭ ماماندارى ءسوز الىپ، مەرەيتوي يەسىن قۇتتىقتاپ، ول جايىندا قىزىقتى ەستەلىكتەر ايتتى.
ايتا كەتەلىك، اناتولي ميشەنكو ءوزىنىڭ شىعارماشىلىق جولىندا 80 نەن استام دەرەكتى فيلمدەر تۇسىرگەن. ولاردىڭ كوپشىلىگى بۇكىلوداقتىق جانە حالىقارالىق كينوفەستيۆالدەردە جۇلدە العان.
اۆتور: جاپپاربەرگەن ايبوتا
