قازاقستان حالقى ۇيالى تەلەفوندارمەن ەكى ەسەگە ۇزاق سويلەسىپ ءجۇر

استانا. قازاقپارات - قازاقستان حالقى ۇيالى تەلەفوندارمەن ەكى ەسەگە ۇزاق سويلەسىپ ءجۇر. بۇل تۋرالى ق ر ينۆەستيتسيالار جانە دامۋ مينيسترلىگى بايلانىس، اقپاراتتاندىرۋ جانە اقپارات كوميتەتىنىڭ مالىمەتىندە حابارلاندى.

«ۇيالى بايلانىس تاريفتەرىن(قۇنىن - رەد.) ازايتۋ بويىنشا ۇلكەن جۇمىس جۇرگىزىلدى، سوڭعى 6 جىلدا تاريفتەر 4 ەسە ازايدى، ال سويلەسۋدىڭ مينۋتىنىڭ ورتاشا قۇنى بۇگىن جالپى 5 تەڭگەنى قۇراپ وتىر. سونىمەن بىرگە سويلەسۋدىڭ ورتاشا ۇزاقتىعى ەكى ەسەگە، ياعني 114 تەن 205 مينۋتكە دەيىن ۇلعايدى. بايلانىس وپەراتورلارىنىڭ وزدەرى دە باسەكەلەستەرىنىڭ قىسىمىمەن جاڭا ابونەنتتەردى تارتۋ جانە بار ابونەنتتەردى ساقتاپ قالۋ ءۇشىن تاريفتەردى وزدىگىنشە تومەندەتۋدە»، - دەپ اتاپ وتىلگەن ۆەدومستۆو مالىمەتىندە.

بۇگىن «نۇر وتان» فراكسياسى جانىنداعى ەكونوميكالىق ساياسات جونىندەگى كەڭەسىنىڭ كوشپەلى وتىرىسىنىڭ بارىسىندا ق ر ي د م (ينۆەستيتسيالار جانە دامۋ جونىندەگى مينيسترلىك -رەد. ) بايلانىس، اقپاراتتاندىرۋ جانە اقپارات كوميتەتى ءتوراعاسىنىڭ ورىنباسارى دميتريي گولوبۋردانىڭ سوزىنە قاراعاندا، 2010-2015 -جىلدار كەزەڭىندە ينتەرنەت جەلىسىنە كەڭ جولاقتى قوسىلۋ قىزمەتىنىڭ قۇنى 4 ەسەگە تومەندەدى، سونىمەن بىرگە قىزمەتتىڭ تەحنيكالىق سيپاتتاماسى دا جاقساردى.

بۇل كەزەڭدە وپەراتورلار اراسىنداعى ينتەركوننەكت مولشەرى 60 پايىزعا تومەندەدى جانە بۇگىندە مينۋتىنا قوسىمشا قۇن سالىعىنسىز (ق ق س) 8 تەڭگەنى قۇرايدى، ال كەلەسى جىلدىڭ 1 -قاڭتارىنان باستاپ مينۋتىنا ق ق س- سىز 5 تەڭگەگە دەيىن تومەندەيدى.

اۆتور: رۋسلان عابباسوۆ