باس پروكۋروردىڭ جەكە بلوگى ازاماتتاردىڭ الا الماي جۇرگەن جالاقىلارىن تولەتۋگە تۇرتكى بولعان
وسى وتىنىشتەر نەگىزىندە جۇمىس بەرۋشىلەر ازاماتتارعا 14,5 ميلليون تەڭگە كولەمىندە ەڭبەكاقى قارىزىن تولەگەن.
بۇل تۋرالى بۇگىن پارلامەنت ءماجىلىسىنىڭ دەپۋتاتى قۋانىش سۇلتانوۆتىڭ توراعالىعىمەن ءوتىپ جاتقان باس پروكۋراتۋرا جانىنداعى زاڭدىلىقتى قامتاماسىز ەتۋ جونىندەگى قوعامدىق كەڭەس وتىرىسىندا باس پروكۋراتۋرانىڭ وتىنىشتەردى قاراۋ تۋرالى زاڭداردىڭ قولدانىلۋىن قاداعالاۋ جانە ءىس جۇرگىزۋ دەپارتامەنتىنىڭ باستىعى جانار ءىلياس ءمالىم ەتتى.
ونىڭ ايتۋىنشا، ازاماتتاردان وتىنىشتەردى قابىلداۋ باعىتىندا 2011 -جىلدان بەرى جۇمىس ىستەپ تۇرعان باس پروكۋراتۋرانىڭ сall-ورتالىعى(بايلانىس ورتالىعى - رەد.) ءوز تيىمدىلىگىن كورسەتىپ وتىر.
«جىل باسىنان بەرى сall-ورتالىققا قابىلدانعان قوڭىراۋلار سانى %18 عا ارتقان. ورتالىققا تۇسكەن قوڭىراۋلارعا سايكەس، 350 ءوتىنىش، سونىڭ ىشىندە ازاماتتاردىڭ ەڭبەك ەتۋ قۇقىعى بۇزىلعاندىعى تۋرالى 339 قوڭىراۋ قابىلدانعان. مىسالى، سەمەي قالاسىنىڭ پروكۋراتۋراسى وسىنداي وتىنىشتەر نەگىزىندە «سەمەي جولدارى» ج ش س- نىڭ التى قىزمەتكەرىنە جالپى سوماسى 1,5 ميلليون تەڭگە كولەمىندە ەڭبەكاقىسىن تولەتىپ بەرگەن. جالپى، 11 اي ىشىندە сall-ورتالىق قابىلداعان وسىنداي وتىنىشتەر بويىنشا 44 ميلليون تەڭگە كولەمىندە ازاماتتاردىڭ زاڭدى ەڭبەكاقىلارى قايتارىلعان»، - دەيدى ج. ءىلياس.
بۇل رەتتە دەپارتامەنت باستىعى ازاماتتاردان ءوتىنىش قابىلداۋدا ەلەكتروندى ۇكىمەت پەن باس پروكۋروردىڭ جەكە بلوگى كوپ قىزمەت ەتىپ تۇرعانىن اتاپ ءوتتى.
«سونىمەن قاتار جىل سايىن ەلەكتروندى ۇكىمەت جانە «115.kz » پورتالدارىنا تۇسەتىن وتىنىشتەر سانى دا ارتىپ كەلەدى. باس پروكۋرور مەن ايماقتىق پروكۋرورلاردىڭ جەكە بلوگتارىنا جازىلاتىن وتىنىشتەردىڭ بارلىعى قاراۋسىز قالعان جوق. بارلىق وتىنىشتەر نەگىزىندە جۇمىس بەرۋشىلەر 14,5 ميلليون تەڭگە كولەمىندە ەڭبەكاقى قارىزدارىن وتەدى»، - دەپ اتاپ ءوتتى ج. ءىلياسوۆا.
اۆتور: كەنجەكەي توقتامۇرات قىزى
