اقتاۋ تەڭىز پورتى تاسىمال كەستەسىن وزگەرتۋگە ءماجبۇر
تۇرىك- رەسەي قارىم- قاتىناسىنىڭ ناشارلاۋىنان زارداپ شەككەن جۇك تاسىمالداۋشىلار، شيەلەنىس ايماعىن اينالىپ ءوتىپ، قازاقستانعا كەلەر بالامالى جول رەتىندە كاسپي تەڭىزىن تاڭداپتى.
اقتاۋ تەڭىز پورتى كاپيتانىنىڭ ايتۋىنشا، تەڭىزدەگى جۇك تاسىمالى ارتۋىنا وراي، قازىر پورتتا جاڭا قوزعالىس كەستەسى ەنگىزىلدى. بۇرىن پاروم اپتاسىنا ەكى رەت قانا قاتىناسا، قازىر تەڭىزدىڭ ارعى بەتىنە تاۋلىگىنە 4-5 رەت وتەدى. قازىر ءبىر پارومعا اۋىر كولىكتەر تيەلىپ جاتىر، تاعى ەكى پاروم ءوز كەزەگىن كۇتىپ تۇر، - دەدى تەڭىز كاپيتانى سەرگەي كلينوۆسكي.
سەرگەي كلينوۆسكي، اقتاۋ حالىقارالىق تەڭىز ساۋدا پورتىنىڭ كاپيتانى:
ايلاقتا ەشقانداي كەدەرگى جوق. ءبارى دە اۋا رايىنا بايلانىستى. پارومداردىڭ كەشىگۋى نەمەسە تۇرىپ قالۋىن جۇك كولىكتەرىنىڭ پارومعا ۋاقىتىلى تيەلمەگەندىگىمەن بايلانىستىرۋعا بولادى. ويتكەنى، تولقىن كۇشەيگەندە، كولىكتەردى تيەۋ قيىنداي تۇسەدى.
«استانا» ارناسى
