ماماندار اقىلدى ءسابيدى دۇنيەگە اكەلۋ ءۇشىن انانىڭ جاسى نەشەدە بولۋ كەرەكتىگىن ايتتى
لوندونداعى ەكونوميكا جانە ساياسي عىلىمدار مەكتەبىنىڭ عالىمدارى وسىنداي اقپاراتقا قول جەتكىزدى.
زەرتتەۋشىلەر ايەلدەردىڭ انا اتانعان كەزدەگى جاسى ونىڭ نارەستەسىنىڭ دەنساۋلىعىنا اسەر ەتەتىنىن نە اسەر ەتپەيتىنىن انىقتاۋ شەشىمىن قابىلدادى. بۇل ءۇشىن ولار Millennium Cohort Study اۋقىمدى باعدارلاماسىنىڭ دەرەكتەرىن سارالادى. وندا 18000 بريتانيالىق بالا تۋرالى اقپارات جينالعان،
دەپ حابارلادى vokrugsveta.ru.
جاس انالاردىڭ جانە 40-49 جاسىندا ءسابي تۋعان انالاردىڭ بالالارىنا قاراعاندا، 30 بەن 39 جاس ارالىعىندا ءسابيدى دۇنيەگە اكەلگەن ايەلدەردىڭ بالالارىنىڭ كوگنيتيۆتىك قابىلەتتەرى جوعارى بولاتىنى انىقتالدى.
زەرتتەۋ اۆتورى، الەۋمەتتىك ساياسات سالاسىنداعى مامان ەليس گويسيس ايتقانداي، 30-39 جاستاعى انالار سالاۋاتتى ءومىر سالتىن ۇستانادى، اقىل توقتاتقان، جۇكتىلىكتى الدىن الا جوسپارلاپ، ءوزىنىڭ دە، بالانىڭ دا دەنساۋلىعىن ءمان بەرەدى. سونداي- اق تەمەكى شەگۋدەن الشاقتاۋ، سابيلەرىن ەمىزىپ، ولارعا كىتاپ وقيتىنىن ايتتى.
زەرتتەۋشىلەر جۇمىس اياسىندا 40 جاستان كەيىن العاشقى نارەستەسىن دۇنيەگە اكەلگەن انالار تۋرالى قوسىمشا اقپارات جينادى، وسىنداي 53 جاعداي قارالدى.
