كەلەر جىلى «قازاقستان تەمىر جولى» كومپانياسىندا قىسقارتۋ بولمايدى
بۇل تۋرالى كەشە ق ر و ك ك- دە وتكەن بريفينگتە «قازاقستان تەمىر جولى» ۇ ك» ا ق باسقارما ءتوراعاسىنىڭ قارجى جونىندەگى ورىنباسارى ماقسات قاباشيەۆ ءمالىم ەتتى.
«وزدەرىڭىزدە بىلەتىندەي، ق ت ج قازاقستاننىڭ شىنايى ەكونوميكاسىنداعى ءىرى جۇمىس بەرۋشى سانالادى. كومپانيادا شامامەن 150 مىڭ ادام جۇمىس ىستەيدى. نەگىزگى باسىمدىق - جۇمىس ورىندارىن ساقتاۋ. وسى ماقساتتا جىل باسىندا كاسىپوداقتارمەن زاڭناماعا سايكەس جۇمىسشىلاردىڭ جالاقىسى ساقتالمايتىن 20 كۇنگە دەيىن دەمالىسقا شىعۋى قاراستىرىلعان شارا ازىرلەندى. جۇمىسشىلارعا مۇنان وزگە ەشقانداي شارا قاراستىرىلىپ وتىرعان جوق»، - دەدى م. قاباشيەۆ.
ونىڭ سوزىنە قاراعاندا، بۇل شارا اعىمداعى جىلى شامامەن 5 مىڭ جۇمىس ورنىنىڭ ساقتالۋىنا ءوز سەپتىگىن تيگىزدى.
«بۇل جالعىز عانا شارا بولاتىن. كومپانيا وزگە شارا قابىلداعان جوق. اتاپ وتەرلىگى، كەلەسى جىلى دا جۇمىسشىلاردىڭ ەڭبەك جاعدايلارىنىڭ ناشارلاۋىنا بايلانىستى قانداي دا ءبىر شارالار نەمەسە قىسقارتۋ قاراستىرىلىپ وتىرعان جوق»، - دەدى ول.
اۆتور: مارلان جيەمباي
