رەسەيدىڭ وداقتاسى رەتىندە ماسكەۋ ۇستانىمىن قولدايمىز- ارمەنيا پرەزيدەنتى
س. سارگسيان كەزدەسۋگە قاتىسۋشىلار حالىقارالىق لاڭكەستىك قاۋپى ەسەلەپ ارتىپ وتىرعان كەزدە جينالعانىن ايتتى.
ول بۇگىنگى وتىرىستا قابىلدانعان الەمدەگى قازىرگى جاعداي بويىنشا مالىمدەمەدە بۇگىنگى كۇننىڭ ەڭ وزەكتى ماسەلەسى - حالىقارالىق لاڭكەستىككە قارسى تۇرۋ جايىنا قاتىستى ءتيىستى شەشىمدەر ۇسىنىلعانىن حابارلادى.
«ۇ ق ش ۇ- عا مۇشە ەلدەر ب ۇ ۇ جارعى ەرەجەلەرىنىڭ جانە حالىقارالىق قۇقىق پرينتسيپتەرىنىڭ نەگىزىندە كەڭ كواليتسيا قۇرىلۋىن قۇپتايدى»، - دەدى ول.
ارمەنيا پرەزيدەنتى لاڭكەستىكپەن كۇرەس ونى قارجىلاندىرۋ كوزدەرىن جاپقاندا عانا ناتيجەلى بولاتىنىن اتاپ ءوتتى.
سونداي- اق ول كەزدەسۋگە قاتىسۋشىلار تۇرىك اسكەري اۋە كوشتەرىنىڭ رەسەيلىك س ۋ-24 ۇشاعىن قۇلاتۋى ماسەلەسى تالقىلانعانىن ايتتى.
س. سارگسياننىڭ سوزىنە قاراعاندا، تۇركيانىڭ بۇل قادامى حالىقارالىق تەرروريزمگە قارسى كۇرەسۋگە، سيرياداعى جاعدايدى تۇراقتى ەتۋگە جانە ايماقتاعى بەيبىتشىلىكتى رەتتەۋگە باعىتتالعان حالىقارالىق تالاپتاردىڭ شوعىرلانۋىنا كەرەعار.
«رەسەيدىڭ وداقتاستارى رەتىندە بۇل وقيعاعا قاتىستى ماسكەۋ ۇستانىمىن قولدايمىز»، - دەدى ول.
«ۇ ق ش ۇ اسكەري مۇمكىندىگىن نىعايتۋعا، كونترتەرروريستىك قۇرامداس بولىكتى ۇلعايتۋعا، جاڭا سىن- قاتەرلەرگە قارسى تۇرۋ ماقساتىمەن جەدەل ارەكەت ەتۋ ۇجىمدىق كۇشىنىڭ اسكەري دايىندىعىن ارتتىرۋعا دايىن ەكەنىمىزدى راستادىق»، - دەپ مالىمدەدى ول.
«ءبىز رەسەيدىڭ وداقتاستارى رەتىندە وسى جاعدايعا بايلانىستى ماسكەۋگە ىنتىماقتاستىعىمىزدى جانە ونىڭ پوزيتسياسىن قولدايتىندىعىمىزدى بىلدىرەمىز»، - دەپ اتاپ ءوتتى ول.
ا. سارگسيان كەزدەسۋگە قاتىسۋشىلار سونىمەن قاتار ارمەنيا رەسپۋبليكاسى ۇيىمدا ءتوراعالىق ەتۋ كەزەڭىندە ۇسىنعان باسىمدىقتار مەن قىركۇيەكتەگى سەسسيادا قابىلدانعان شەشىمدەردى جۇزەگە اسىرۋ شارالارى جوسپارىنا قاتىستى ماسەلەنىڭ دە تالقىلاعانىن ايتىپ ءوتتى.
ارمەنيا پرەزيدەنتى ۇيىمعا مۇشە ەلدەردىڭ بىرىككەن ۇيلەسىمدى كۇش- جىگەرى بەلگىلەنگەن جوسپارلاردى ءتيىمدى جۇزەگە اسىرۋدى قامتاماسىز ەتۋگە مۇمكىندىك بەرەتىنىنە سەنىم ءبىلدىردى. ونىڭ ورىندالۋ بارىسى الداعى 2016 - جىلى وتەتىن ۇجىمدىق قاۋىپسىزدىك كەڭەسىنىڭ ەريەۆانداعى سەسسياسىندا قاراستىرىلاتىن بولادى.
