ەلوردا سالىناتىن جاڭا تەمىر جول ۆوكزالىنىڭ قۇنى بەلگىلى بولدى
بۇل تۋرالى بۇگىن ق ر و ك ك- دە وتكەن بريفينگتە «قازاقستان تەمىر جولى» ۇ ك» ا ق- نىڭ باسقارما ءتوراعاسى اسقار مامين ءمالىم ەتتى.
«ۆوكزال عيماراتىنىڭ قۇنى شامامەن 50-60 ميلليارد تەڭگەگە باعالانۋدا. دەگەنمەن، قازىرگى ۋاقىتتا ءبىز ونى ءالى دە بولسا ناقتىلايتىن بولامىز. سوندىقتان ناقتى مالىمەتتەردى ايتا المايمىن»، - دەدى ول ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، جاڭا ۆوكزال كەشەنى «ەكسپو-2017» كورمەسى قارساڭىندا پايدالانۋعا بەرىلەتىن بولادى. «ءبىز نەگىزگى جۇمىستار 2016 -جىلدىق سوڭىندا اياقتالادى دەپ جوسپارلاپ وتىرمىز»، - دەپ ناقتىلادى ا. مامين.
«ق ت ج» باسشىسىنىڭ ايتۋىنشا، ەلوردانىڭ ەسكى ۆوكزالى جۇك تاسىمالداۋدىڭ ارتۋىنا جانە جۇردەك جولاۋشىلار پويىزى قوزعالىسىنىڭ دامۋىنا، سونىمەن قاتار جولاۋشىلار اعىنى كولەمىنىڭ وسۋىنە بايلانىستى ءوز قۋاتىن سارىقتى دەسەك تە بولادى.
«جاڭا ۆوكزال مىڭجىلدىق اللەياسىندا، بەيبىتشىلىك پەن كەلىسىم، تاۋەلسىزدىك سارايلارىنىڭ ارتقى جاعىندا بولادى. بۇل اللەيا بويىنىڭ بولاشاعى زور. بۇگىنگى كۇنى قۇرىلىس جۇمىستارى جۇرگىزىلۋدە، قاڭقاسى تۇرعىزىلدى. وتكەن سەنبىدە عانا مەن بۇل نىسانعا وراي كەڭەس وتكىزدىم»، - دەگەن ا. مامين جاڭا ۆوكزالدىڭ زاماناۋي تالاپتارعا تولىعىمەن ساي سالىناتىنىن باسا ايتتى.
اۆتور: مارلان جيەمباي
