قازاقستان قارۋلى كۇشتەرىنىڭ ۇزدىك وڭىرلىك قولباسشىلىعى اتالدى - فوتو
سونىمەن، قۇرلىق اسكەرلەرىندە وسى جىلى «شىعىس» وڭىرلىك قولباسشىلىعى، ال بريگادالار اراسىندا 38-دەسانتتىق- شابۋىلداۋ بريگاداسى ۇزدىك اتاندى.
قۇرلىق اسكەرلەرى باس قولباسشىسى باسقارماسىنىڭ قۇرىلىمدىق بولىمشەلەرى اراسىندا وفيتسەرلىك كادرلاردى ىرىكتەۋ جانە جەتىلدىرۋ بويىنشا ساۋاتتى جۇرگىزىپ جاتقان جۇمىسى ءۇشىن بىرنەشە مارتە ەرەكشە كوزگە تۇسكەن كادرلار باسقارماسى ۇزدىك دەپ تانىلدى.
«ق ر قورعانىس ءمينيسترىنىڭ بىزگە بەلگىلەگەن بىلتىرعى جىلعى قىزمەتىمىزدىڭ جوعارى ناتيجەلەرى جاۋىنگەرلىك دايارلىقتى جەتىلدىرۋ، اسكەري ءتارتىپتى نىعايتۋ، قىزمەتتىڭ قاۋىپسىز جاعدايىن قامتاماسىز ەتۋ جانە قارۋ-جاراق پەن اسكەري تەحنيكانى ۇقىپتاپ ۇستاۋ سىندى اسكەرلەردە وتكىزىلىپ جاتقان كۋرستىڭ دۇرىستىعىن راستادى»، - دەپ اتاپ ءوتتى جىل قورىتىندىسىندا ق ر ق ك ق ءا باس قولباسشىسى گەنەرال-لەيتەنانت مۇرات مايكەيەۆ.
قورىتىندى 2010 -جىلدان باستاپ قۇرلىق اسكەرلەرىندە قولدانىلىپ جۇرگەن رەيتينگتىك باعالاۋ جۇيەسىنە سايكەس شىعارىلدى. جەڭىمپازدار اۋىسپالى ۆىمپەلدار جانە باعالى سىيلىقتارمەن ماراپاتتالدى.
جاۋىنگەردىك دايارلىقتاعى نەگىزگى كۇش-جىگەر اسكەرلەردى پراكتيكالىق وقىتۋعا باعىتتالعانىن ايتا كەتەيىك. 2015 -جىلى قۇرلىق اسكەرلەرى قۇرامالارى مەن بولىمدەرىنىڭ بولىمشەلەرى 689 دالالىق شىعۋلار مەن 72 لاگەرلىك جيىنعا قاتىستى، تانكتەر مەن ج ءا ج م- نىڭ قارۋ- جاراعىنان 21 مىڭنان اسا، ونىڭ ىشىندە 6 مىڭنان استامى تۇنگى ۋاقىتتا پراكتيكالىق وق اتۋلار وتكىزىلدى.
قۇرلىق اسكەرلەرى - قارۋلى كۇشتەرىنىڭ اناعۇرلىم ماڭىزدى جانە كوپ ساندى ءتۇرى. ولاردىڭ قۋاتى وتانىمىزدىڭ ەگەمەندىگى مەن اۋماقتىق تۇتاستىعىن قامتاماسىز ەتۋدىڭ نەگىزى بولىپ تابىلادى. بۇل اسكەر ءتۇرىنىڭ اسكەري قىزمەتشىلەرى وسى جىلعى بارلىق ماڭىزدى جانە ءىرى اۋقىمدى «ايبالتا»، «ءوزارا ءىس- قيمىل»، «مىزعىماس باۋىرلاستىق»، «دالا قىرانى» وقۋ- جاتتىعۋلارىنا جانە كوپتەگەن باسقا دا وقۋ-جاتتىعۋلارعا قاتىستى.
