قازاقستاندىقتار ەڭ سىمباتتى قالا باسشىسىن تاڭدادى
ايتا كەتەرلىگى، بۇل ساۋالناما ەل اراسىندا ۇلكەن قىزىعۋشىلىق تۋدىرعان. اتالمىش ساۋالناما ەلىمىزدىڭ ەڭ تارتىمدى سپورتشى قىزدارىنا جاسالعان ساۋالنامانى دا باسىپ وزدى (ەڭ تارتىمدى سپورتشى بولىپ الەكساندرا تيسلەنوك تانىلعان).
پىكىر قالدىرۋشىلار قىزۋ پىكىرتالاسقا كوشىپ، ءتىپتى ساۋالناماعا قاتىسۋشىلاردىڭ باسپا ءسوز قىزمەتى وكىلدەرىنەن رەداكسياعا تىنىمسىز قوڭىراۋلار كەلىپ جاتتى. بارلىعىنىڭ ءوتىنىشى بىردەي بولدى: فوتولار ءساتسىز تاڭدالعان، سول سەبەپتى وزگە، الدەقايدا سىمباتتىراق فوتوعا اۋىستىرۋ قاجەت.
داۋىس بەرۋ قورىتىندىسى بويىنشا ەڭ سىمباتتى قالا باسشىسى بولىپ شىمكەنت اكىمى عابيدوللا ءابدىراقىموۆ تانىلدى. ول 2901 داۋىسپەن (%25) كوش باستادى. ول ساۋالناما بارىسىندا وزىمەن يىق تىرەستىرىپ كەلگەن الماتى اكىمى باۋىرجان بايبەكتەن وزىپ كەتتى (2794 داۋىس، %24).
ۇزدىك ۇشتىكتى اتىراۋ قالاسىنىڭ اكىمى نۇرلىبەك وجايەۆ تۇيىقتادى (1070 داۋىس، %8).
استانا اكىمى ادىلبەك جاقسىبەكوۆ تە ازداعان داۋىس جيناپ ۇلگەرگەن - بارلىعى %4 (532 داۋىس بەرۋشى).
ال رەيتينگتى وسكەمەن باسشىسى تەمىربەك قاسىمجانوۆ تۇيىقتادى.
ساۋالناماعا قاتىسۋشىلاردىڭ جالپى سانى 12 904 ادامدى قۇرادى.
ءبىزدىڭ ءتىلشى عابيدۋللا ابدىراقىموۆپەن تىلدەسىپ، بۇل اتاققا قانشالىقتى رازى ەكەنىن ءبىلىپ قايتتى.
NUR. KZ وقىرماندارى (قازاقستاندىقتار) ءسىزدى قازاقستاننىڭ ەڭ سىمباتتى اكىمى دەپ تانىعانىن قالاي قابىلدادىڭىز؟
ع. ا.: اكىمدى باعالاۋدا سىمباتتىلىق اسا ماڭىزدى دەپ ويلامايمىن. ءار اكىم - ول ءبىرىنشى كەزەكتە مەملەكەت باسشىسىنىڭ وكىلى. ول قىزمەتىنە ءبىر ماقساتپەن عانا تاعايىندالادى: ەل پرەزيدەنتىنىڭ ساياساتىن ءتيىمدى جۇزەگە اسىرۋدى قامتاماسىز ەتۋ ءۇشىن، ياعني تۇرعىنداردىڭ تىرشىلىك جاعدايىن جاقسارتۋدى قامتاماسىز ەتۋ. اكىمدەر وسى سالاداعى ناتيجەلەرىمەن باعالانۋى ءتيىس.
ادامدار مەنى تۇرىمە قاراپ قانا تاڭدامادى دەپ ۇمىتتەنەمىن. قالا باسشىسى رەتىندە قىزمەتىمنىڭ ءبىرىنشى كەزەكتە باعالانعانىن قالايمىن.
مەن ءۇشىن بۇل كەرى بايلانىستىڭ ءبىر ءتۇرى. ول ءبىزدىڭ دۇرىس باعىت تاڭداعانىمىزدى اڭعارتادى.
پرەزيدەنت ماعان شىمكەنتتى مەگاپوليسكە اينالدىرۋ تاپسىرماسىن بەردى. مەن وسىعان جەتۋ ءۇشىن بار كۇشىمدى سالامىن.
NUR: ءوز دەنە ءبىتىمىڭىزدى شىنىققان كۇيدە ۇستاۋ ءۇشىن سپورتزالدارعا باراسىز با؟
ع. ا.: مەن سپورتتى سۇيەمىن جانە ونىمەن تۇراقتى تۇردە شۇعىلدانامىن. سترەسس پەن جۇمىس اۋىرتپاشىلىقتارىن ەڭسەرۋ ءۇشىن دەنەنىڭ شىنىعۋى جانە دەنساۋلىقتىڭ جاقسى بولۋى ماڭىزدى.
اپتاسىنا كەمىندە 3 رەت سپورتزالعا بارامىن. جاقىندا تاي بوكسىنا اۋەستەنە باستادىم. سونىمەن قاتار جاياۋ جۇرگەندى، تابيعاتقا شىققاندى ۇناتامىن. ال تابيعات بىزدە كەرەمەت. جاقىندا عانا قازىعۇرت تاۋىنا كوتەرىلدىم. ول شىمكەنتتەن 40 شاقىرىم جەردە جانە كورىنىسىن سوزبەن ايتىپ جەتكىزۋ مۇمكىن ەمەس.
NUR: ديەتا ۇستاناسىز با جانە ەت جەيسىز بە؟
گ. ا.: ارنايى ديەتا ۇستانعان ەمەسپىن. ءبارىن جەسەم دە قاتتى تويىپ جەمەۋگە تىرىسامىن. بارلىعىندا، تاماقتانۋدا دا ءوز شەگى بولۋى قاجەت دەپ سانايمىن. سوڭعى ۋاقىتتا ەتتى از جەيتىن بولعانمىن.
