سۇلۋلىق زەرتحاناسى: بەت تەرىسىن اعارتۋ

استانا. قازاقپارات - بەت تەرىسىنىڭ ءمىنسىز بولعاندىعىن قالامايتىن ارۋ جوق شىعار.

الايدا، بەتتەگى ءتۇرلى داقتار مەن كۇن كوزىنىڭ اسەرى سول ماقساتقا جەتەر جولدا توسقاۋىل بولادى دا تۇرادى.

بەت تەرىسىن اعارتاتىن قىمبات كوسمەتولوگيالىق پروتسەدۋرالاردى ءار ايەلدىڭ قالتاسى كوتەرە بەرمەيدى. سوندىقتان ءبىز بۇگىن ولاردىڭ التەرناتيۆتى جولدارىن ۇسىنىپ وتىرمىز.

بەت تەرىسىن اعارتۋدا ەڭ ءجيى قولدانىلاتىن نارسەلەر: ايران، ءسۇت ونىمدەرى جانە ليمون. ولاردان باسقا ءتۇرلى كوكونىستەر مەن جەمىستەر. تومەندە كەلتىرىلگەن ماسكالاردىڭ قۇرامىندا ولاردىڭ بارلىعى بار. الايدا تەرىنى ءتۇرلى داقتاردىڭ پايدا بولۋىنان ساقتايتىن ەڭ باستى نارسە - كۇن كوزىنەن قورعانۋ. ول ءۇشىن نارىقتا تولى كەز-كەلگەن SFP فاكتورى بار كرەمدى قىسى- جازى پايدالانۋدى ۇمىتپاڭىز.

ءسۇت پەن بانان قوسىلعان ماسكا

باناندى سۇتكە ەزىڭىز. ناتيجەسىندە پايدا بولعان بوتقانى بەتىڭىزگە جاعىپ، 20 مينۋت ۇستاڭىز. جىلى سۋمەن جۋىڭىز.

بالدان جاسالعان ماسكا

جىلىتىلعان بال دا بەتتىڭ اعارۋىنا كومەكتەسە الادى. ول ءۇشىن بالدى جىلىتىپ، بەتىڭىزگە تەگىستەپ جاعىڭىز. بال 20 مينۋتتاي اسەر ەتسىن. ودان كەيىن بەتكە ارنالعان جۇمساق ىسقىشتىڭ كومەگىمەن بەتىڭىزدى ىسقىلاپ جۋىڭىز. ەڭ سوڭىندا بەتىڭىزدى سۋىق سۋمەن شايىڭىز.

بال مەن جۇمىرتقادان جاسالعان ماسكا

بەت تەرىسى ءۇشىن بال قوسپا رەتىندە دە پايدالى. 1 اس قاسىق بالدى 1 تاۋىق جۇمىرتقاسىمەن ارالاستىرىپ، بەتىڭىزگە جاعىڭىز. 15-20 مينۋتتان كەيىن سۋمەن جۋىپ تاستاڭىز.

اس سوداسى مەن ليموننان جاسالعان ماسكا

 بەتتىڭ قارا داقتارىن كەتىرۋگە اس سوداسى مەن ليمون شىرىنى دا جاقسى كومەكتەسەدى. اس سوداسى مەن ليمون شىرىنىن ارالاستىرىپ، امبروزيۆتى پاستا جاعدايىنا جەتكەندە بەتىڭىزگە جاعىپ، سكراب سياقتى ەكى كۇندە ءبىر رەت تازالاڭىز. ەگەر بەت تەرىسى قۇرعاق بولسا، ودان دا سيرەك قولدانعانىڭىز ءجون. سۋمەن شايعاندا مۇقيات بولىڭىز: سودا ۇنتاقتارى تەرىدەگى ۇساق تەسىكتەرىنە كىرىپ، ماي بەزدەرىن بىتەپ تاستاۋى مۇمكىن.

comode.kz