16:42, 21 - جەلتوقسان 2015 | GMT +5
ماڭعىستاۋدا وتكىزىلگەن ەرەكشە اۆتوشەرۋ داۋعا ۇلاستى - كەسكىن
استانا. قازاقپارات - قازاق قوعامى ماڭعىستاۋ وبلىسىنىڭ بەينەۋ اۋدانىندا وتكەن ەرەكشە اۆتوشەرۋدى قىزۋ تالقىلاۋعا كوشتى.
ءبىرى بۇل پاتريوتتاردىڭ ءىسى دەسە، ەندى ءبىرى ناعىز داڭعويلىق دەپ سانايدى.
تاۋەلسىزدىك كۇنىنە ارنالعان شەرۋگە ونداعان اق دجيپ كولىكتەرى قاتىسقان. ونى جەرگىلىكتى بيلىك ۇيىمداستىرىپ وتىر. ال شاراعا قاتىسقانداردىڭ ءبارى جاستار. جول تالعامايتىن كولىكتەردىڭ بارلىعى جەكەمەنشىك، ال ونى بەزەندىرۋگە كەتكەن قارجى دا يەلەرىنىكى دەيدى اۋىل شەنەۋنىكتەرى. ءبىر قىزىعى - قىمبات كولىكتىڭ الدىڭعى اينەگى تۇتاس قازاقستاننىڭ تۋىمەن كومكەرىلگەن. وسىلايشا، كورتەج بەينەۋدى تۇتاس ارالاپ شىققان. ال، شارانى ۇيىمداستىرعاندار: «جالاۋ - جۇرگىزۋشىنىڭ كورۋىنە كەدەرگى كەلتىرمەيتىن ماتەريالدان ارنايى تىگىلگەن» دەيدى.
ktk.kz
