حالىقارالىق ءان بايقاۋىنىڭ جۇلدەگەرى «وردا» توبىن تىڭدارماندارى اۋەجايدان كۇتىپ الدى
حالىقارالىق دودادا قازاقستاننىڭ نامىسىن قورعاعان شىعارماشىلىق ۇجىمدى تىڭدارماندارى اۋەجايدان كۇتىپ الدى. بۇل بايقاۋدىڭ 200 ميلليوندىق اۋديتورياسى(كورەرمەنى) بار. 25 كە جۋىق ەلدىڭ ونەر ۇجىمدارى مەن مۋزىكالىق ساراپشىلارى باس قوسقان جارىستا «وردا» توبىنىڭ ۇزدىك ۇشتىككە ەنۋى وتاندىق جۇلدىزداردىڭ مۋزىكا سالاسىنداعى ۇلكەن جەتىستىگى دەۋگە بولادى. سونداي-اق بيىل ءبىرىنشى رەت بالالار اراسىندا وتكەن Bala Turkvizyon بايقاۋىندا تۇرسىنحان ەركىن دە ەكىنشى ورىندى جەڭىپ العان ەدى. ەلىمىزدە ۇيىمداستىرىلعان ۇلتتىق ىرىكتەۋدە باس جۇلدەنى جەڭىپ العان تۇرسىنحان ىستامبۇلدا دا نامىستى قولدان بەرمەدى. قازىلار القاسى ونىڭ دايىنداعان مۋزىكالىق كومپوزيتسياسىن جوعارى باعالادى.
داستان ورازبەكوۆ، «وردا» توبىنىڭ ءانشىسى:
- وسى باسەكەدە ءوزىمىز ەكىنشى بولىپ، سۋىرىلىپ شىققانىمىزعا قۋانىشىمىز شەكسىز. ەلدىڭ نامىسىن تۇسىرمەۋگە تىرىستىق. بويىمىزداعى بار جيناپ كەلگەن تاجىريبەمىزدى ءبىر الاقانىمىزعا ءتۇيىپ الىپ، سول ساحنادا، تۇرىك ەلدەرىنىڭ اراسىندا ەلباسىمىز ايتقانداي، جىگىتتىڭ سۇلتانى بولىپ كەلە جاتىرمىز.
تۇرسىنحان ەركىن، Bala Turkvizyon حالىقارالىق بالالار اندەرى بايقاۋىنىڭ جۇلدەگەرى:
- وسى جەڭىسىمدى تاۋەلسىزدىك كۇنىنە ارنادىم. قازاقستاننىڭ 24 جىلدىعىمەن قۇتتىقتايمىن! رينات كەرتايەۆ، «حابار» تەلەارناسى باعدارلامالار ديرەكسياسىنىڭ باس پروديۋسەرى:
- Turkvizyon شارالارى ءبىر اپتا بويى تۇركى الەمىنىڭ ءتۇرلى مۋزىكانتتارى مەن ساراپشىلارىنىڭ باسىن قوسقان، تەك جارىساتىن عانا ەمەس، پىكىر، تاجىريبە الماساتىن ۇلكەن ارەناعا اينالدى دەسەم، ارتىق ايتقاندىق ەمەس. بۇل Turkvizyon دەگى ونەرپازدارىمىزدىڭ قوس جۇلدەسى - سول بايقاۋداعى قازاق دەلەگاتسياسىنىڭ، ەلىمىزدىڭ تاۋەلسىزدىگىنىڭ 24 جىلدىعىنا جاساعان كەرەمەت تارتۋى.
www.24.kz
