عالىمدار بالانىڭ بويىنداعى ۇشقالاق مىنەزدى قويدىرۋدىڭ امالىن تاپتى

استانا. قازاقپارات - ا ق ش- تىڭ بوۋلدەر قالاسىنداعى كولورادو ۋنيۆەرسيتەتى عالىمدارى بالالاردىڭ بويىنداعى ۇشقالاق مىنەزدى قويدىرۋدىڭ جولىن تاپتى.

بۇل زەرتتەۋدى جۇرگىزۋ ءۇشىن ولار 3 جاسار 150 بالانى ارنايى باقىلاۋعا العان، دەپ جازادى The Daily Mail.

عالىمداردىڭ پىكىرىنشە، بالاعا وزىنە قاتىستى ۇرسىپ، جەكي بەرگەننەن گورى، وعان قانداي ارەكەتتى ىستەۋ كەرەكتىگى جايلى ەسكە سالىپ وتىرۋ، كوپ پايدا بەرەدى.

زەرتتەۋشىلەر تاجىريبەگە قاتىسقاندارعا ءوزىن باقىلاۋعا قاتىستى ويىن ويناتقان. زەرتتەۋدە ارنايى قوراپتارداعى جاسىرىنعان زاتتار ارقىلى بالالاردىڭ قابىلەتى سىنالدى. ناتيجەسىندە، بالاعا ۇلكەندەر تاراپىنان ءجاي عانا ەسكە سالۋ ونىڭ ءوز ارەكەتىن، وي-قيمىلىن باقىلاي الۋىنا، ويىن جيناقتاپ شەشىم قابىلداۋىنا كومەكتەسەتىنىن كورسەتتى.