ماماندار ەرتە جاستان ءاجىم ءتۇسۋدىڭ سەبەبىن ايتتى
مەديتسينا ماماندارىنىڭ پىكىرىنشە، ادامدار كوپ جاعدايدا وزدەرىنە ىڭعايلى ماتراس ىزدەيدى دە، جاستىقتى كوپ تاڭداي قويمايدى. ادامنىڭ جاتىسىنىڭ دۇرىس بولماۋى دەنەنىڭ ءىسىنىپ، ءاجىم تۇسۋىنە سەبەپ بولادى ەكەن.
«ادامنىڭ قانداي جاعدايدا ۇيىقتاۋى ونىڭ دەنساۋلىعى مەن سىرتقى كەلبەتىنە اسەر ەتەدى»، - دەپ اتاپ ءوتتى عالىمدار.
ماماندار قاتتى جاستىققا جاتقان ءجون دەپ ەسەپتەيدى، سەبەبى جۇمساق جاستىقتار بەت تەرىسىنىڭ وزگەرۋىنە اسەرىن تيگىزۋى مۇمكىن.
«جۇمساق ءارى قۇس جاستىقتاردا جاتۋ ۇيقى كەزىندە اعزانىڭ قان اينالىمىنىڭ باسەڭدەۋىنە الىپ كەلەدى. بۇل ەرتە باستان تەرىنىڭ بوساڭسۋىنا، ىسىنۋگە جانە ءاجىم تۇسۋىنە سەبەپ بولادى»، - دەيدى عالىمدار.
سونداي-اق زەرتتەۋشىلەر قۇس جاستىققا جاتپاۋدىڭ تاعى ءبىر سەبەبىن ايتتى: قۇس جاستىقتاردا بولاتىن شاڭ-توزاڭدار اللەرگيالىق رەاكسيالار تۋدىرادى، ال بۇل ءتۇرلى اۋرۋدى قوزدىرۋى مۇمكىن، مىسالى دەمودەكوز، ال بۇل بەت تەرىسىن بۇلدىرەدى، دەپ جازادى شەتەلدىك ب ا ق.
