05:14, 21 - جەلتوقسان 2015 | GMT +5
عالىمدار: عالامدىق جىلىنۋ ادام ءومىرى ءۇشىن قاۋىپتى
استانا. قازاقپارات - عالامدىق جىلىنۋ كولدەردەگى اۋا تەمپەراتۋراسىنىڭ كوتەرىلۋىنە اكەلۋدە. بۇل تۋرالى ناسا مەن ا ق ش- تىڭ ۇلتتىق- عىلىمي قور عالىمدارى مالىمدەدى.
ولار عالامشارداعى كولدەردى ارنايى زەرتتەپ، ناتيجەسىندە وسىنداي قورىتىندىعا كەلگەن. مۇنداي قۇبىلىس ادام ءومىرى ءۇشىن قاۋىپتى بولماق. عالىمدار زەرتتەۋدى 25 جىل بويى 235 كولدە جۇرگىزگەن.
ماماندار «اۋاعا تارالاتىن گازداردىڭ كولەمىن قىسقارتۋ ارقىلى عانا قورشاعان ورتانى تازا ساقتاۋعا بولادى»، - دەيدى.
سايمون حۋك، ناسا وكىلى:
- الداعى 100 جىلعا ارنالعان بولجام بويىنشا، بالدىرلار سانى %20- عا ارتپاق. ولار كولدەردە جازدا ءجيى پايدا بولادى. بالدىرلاردا ادام ءۇشىن قاۋىپ توندىرەتىن ۋلى زاتتار بار. بۇل سۋعا شومىلۋعا، ونى ىشۋگە بولمايدى.
