باوباب اعاشى تۋرالى نە بىلەسىز؟

استانا. قازاقپارات-   باوباب -  ەرەكشە اعاش. ونىڭ ۇلكەن ءدىڭى جاۋىن- شاشىن ماۋسىمىندا كوپ مولشەردە سۋ جيناپ الادى. سول سۋدى پايدالانۋ ارقىلى باوباب «ارىقتايدى».

  اعاش ەشتەڭەدەن قورىقپايدى. ءتىپتى، قۇم داۋىلىنان دا. سەبەبى، ونىڭ ۇلكەن تامىرلارى جەر قىرتىسىنا تەرەڭدەپ كەتكەن.

 قۋاڭشىلىق ماۋسىمىندا اعاشتىڭ جاپىراقتارى سارعايا باستايدى. تەرميتتەر دە اعاش قابىعىنا زيان كەلتىرە المايدى. ويتكەنى، ول سورعىش سياقتى سۋعا شىلقىپ تۇرادى. باوبابتىڭ ادامدارعا دا پايداسى وراسان. ادامدار اعاشتىڭ جاپىراعىن دامدەۋىش رەتىندە پايدالانسا، قابىعىنان ءجىپ ورەدى، سەبەت جانە اسپالى تور توقيدى، جەمىسىن جەيدى.

كارى باوباب ءدىڭى قۋىسقا تولى. ولاردى قۇمدى داۋىل نەمەسە جىرتقىش اڭداردان قورعانۋ ءۇشىن ءتۇرلى قۇستار پانا ەتەدى. ساۆاننادا ءورت بولا قويعان جاعدايدا باوباب ورتەنبەيدى. سەبەبى ونىڭ قابىعى سۋلى بولادى. سونىڭ ارقاسىندا اعاش ءورت كەزىندە جىلاندار مەن ءتۇرلى ۇساق كەمىرگىشتەرگە پانا بولا الادى.

«قازاقستان» ارناسى