17:19, 20 - جەلتوقسان 2015 | GMT +5
عالىمدار كۇن جۇيەسىنە ەڭ جاقىن ءومىر سۇرۋگە قولايلى بولۋى مۇمكىن عالامشاردى تاپتى
استانا. قازاقپارات- ول جەردەن 14 جارىق جىلى قاشىقتىقتا ورنالاسقان. جاڭا وڭتۇستىك ۋەلس ۋنيۆەسيتەتىنىڭ عالىمدارى كۇن جۇيەسىنە ەڭ جاقىن ءومىر سۇرۋگە قولايلى بولۋى مۇمكىن عالامشاردى تاپتى.
عالامشار Wolf 1061c دەپ اتالدى. ول جەردەن 14 جارىق جىلى قاشىقتىقتا ورنالاسقان. عالامشار چيليدەگى لا- سيليا وبسەرۆاتورياسىندا ورناتىلعان HARPS سپەكتوگرافىنىڭ كومەگىمەن تابىلعان.
استرونومدار بۇل نىسانعا 10 جىل كولەمىندە باقىلاۋ جۇرگىزگەن. Wolf 1061c عالامشارى - Wolf 1061 جۇلدىزى ماڭىندا ورنالاسقان ءۇش ەكزوعالامشاردىڭ ءبىرى. ونىڭ كولەمى جەردىڭ كولەمىنەن 4 ەسە ۇلكەن. عالىمدار Wolf 1061c عالامشارىنىڭ تەمپەراتۋرالىق كورسەتكىشى سۋدىڭ بار بولۋىنا سايكەس كەلەدى، دەيدى.
