پۋتين: سيريادا قوسىمشا اسكەري قۇرالدار قولدانا الامىز
سەنبى كۇنى كرەملدە رەسەي قاۋىپسىزدىك ورگاندارى قىزمەتكەرلەرى كۇنىنە ارنالعان سالتاناتتى كەشتە سويلەگەن سوزىندە پۋتين «تەرروريستەر وركەنيەتكە، بۇكىل الەمدىك قاۋىمداستىققا قارسى اشىق سوعىس جاريالادى. ولاردىڭ ءىس- ارەكەتى مەن جوسپارى ءبىزدىڭ ەلىمىزگە دە تىكەلەي قاۋىپ توندىرەدى» دەپ مالىمدەگەن.
بۇعان قوسا پۋتين سيريادا اسكەري وپەراتسيالار جۇرگىزىپ جاتقان رەسەي «قاجەت بولعان جاعدايدا قوسىمشا اسكەري قۇرالداردى پايدالانۋى» مۇمكىن ەكەنىن ايتقان.
سونىمەن بىرگە رەسەي پرەزيدەنتى قاۋىپسىزدىك ورگاندارىن ءوز قىزمەتىندە تەرروريستەر ەميسسارلارى مەن ۇگىتشىلەرىن اۋىزدىقتاۋعا ايرىقشا نازار بولۋگە شاقىرعان.
پۋتيننىڭ سوزىنشە، رەسەيدە كەيبىر شەتەلدەردىڭ بارلاۋ قىزمەتتەرى بەلسەندىلىگى ارتقان. «2015 - جىلى 320-دان اسا كاسىبي بارلاۋ قىزمەتكەرلەرى مەن اگەنتتەر اشكەرەلەنگەن» دەيدى كرەمل باسشىسى.
«ازاتتىق»
